Suttagame 02

SR No.: 010591
Original Sutra Author: N/A
Author: Fulchand Maharaj
Publisher: Sutragam Prakashan Samiti
Publication Year: 1954
Total Pages: 1300
Language: Prakrit
Classification: Book_Devnagari, Agam, Canon, agam_aupapatik, agam_rajprashniya, agam_jivajivabhigam, agam_pragyapana, agam_suryapragnapti, agam_chandrapragnapti, agam_jambudwipapragnapti, & agam_ni
File Size: 93 MB

Page 156

रहठावणं]
सुत्तागमे सोवसग्गे”। “एवामेव चित्ता! तुभं पि सेयवियाए नयरीए पएसी नामं राया परिवसइ अहम्मिए जाव नो सम्मं करभरवित्तिं पवत्तेइ । तं कहं णं अहं चित्ता ! सेयवियाए नयरीए समोसरिस्सामि ?'। तए णं से चित्ते सारही केसिं कुमारसमणं एवं वयासी-"किं णं भन्ते! तुब्भं पएसिणा रन्ना कायव्वं ? अत्थि णं भन्ते ! सेयवियाए नयरीए अन्ने वहवे ईसरतलवर जाव सत्थवाहप्पभिइओ जे णं देवाणुप्पियं वन्दिस्सन्ति जाव पजुवासिस्सन्ति, विउलं असणं पाणं खाइमं साइमं पडिलाभेस्सन्ति, पाडिहारिएण पीढफलगसेजासंथारेणं उवनिमन्तिस्सन्ति”। तए णं से केसी कुमारसमणे चित्तं सारहिं एवं वयासी-“अवि याइ चित्ता! समोसरिस्सामो” ॥५२॥ तए णं से चित्ते सारही केसिं कुमारसमणं वन्दइ नमसइ वं० २ त्ता केसिस्स कुमारसमणस्स अन्तियाओ कोट्ठयाओ उज्जाणाओ पडिनिक्खमइ २ त्ता जेणेव रायमग्गमोगाढे आवासे तेणेव उवागच्छइ २ त्ता कोडुम्बियपुरिसे सद्दावेइ २ त्ता एवं वयासी-"खिप्पामेव भो देवाणुप्पिया! चाउरघण्टं आसरहं जुत्तामेव उवट्ठवेह"। जहा सेयवियाए नयरीए निग्गच्छइ तहेव जाव वसमाणे २ कुणालाजणवयस्स मझमज्झेणं जेणेत्र केइयअद्धे जणवए जेणेव सेयविया नयरी जेणेव मियवणे उजाणे तेणेव उवागच्छइ २ त्ता उजाणपालए सद्दावेइ २ त्ता एवं वयासी-"जया णं देवाणुप्पिया ! पासावञ्चिजे केसी नाम कुमारसमणे पुव्वाणुपुट्विं चरमाणे गामाणुगामं दूइजमाणे इहमागच्छिना, तया णं तुभे देवाणुप्पिया ! केसि कुमारसमणं वन्दिजाह नमंसिजाह वं० २ त्ता अहापडिरूवं उग्गहं अणुजाणेजाह । पाडिहारिएणं पीढफलग जाव उवनिमन्तेजाह । एयमाणत्तियं खिप्पामेव पच्चप्पिणेज्जाह" । तए णं ते उज्जाणपालगा चित्तेण सारहिणा एवं वुत्ता समाणा हतु? जाव हियया करयलपरिग्गहियं जाव एवं वयासी-"तह" त्ति । आणाए विणएणं वयणं पडिसुणन्ति ॥ ५३ ॥ तए णं से चित्ते सारही जेणेव सेयविया नयरी तेणेव उवागच्छइ २ त्ता सेयवियं नयरिं मज्झंमज्झेणं अणुपविसइ २ त्ता जेणेव पएसिस्स रन्नो गिहे जेणेव बाहिरिया उवट्ठाणसाला तेणेव उवागच्छइ २त्ता तुरए निगिण्हइ २ त्ता रहं ठवेइ २त्ता रहाओ पच्चोरुहइ २ त्ता तं महत्थं जाव गेण्हइ २ त्ता जेणेव पएसी राया तेणेव उवागच्छइ २ त्ता पएसिं रायं करयल जाव वद्धावेत्ता तं महत्थं जाव उवणेइ । तए णं से पएसी राया चित्तस्स सारहिस्स तं महत्थं जाव पडिच्छइ २ त्ता चित्तं सारहिं सकारेइ संमाणेइ स० २ त्ता पडिविसज्जेइ । तए णं से चित्ते सारही पएसिणा रन्ना विसज्जिए समाणे हट्ट जाव हियए पएसिस्स रन्नो अन्तियाओ पडिनिक्खमइ २ त्ता जेणेव चाउरघण्टे आसरहे तेणेव उवागच्छइ २ त्ता चाउरघण्टं आसरहं दुरुहइ २ त्ता तुरए निगिण्हइ २ त्ता
६ सुत्ता.