Suttagame 02

SR No.: 010591
Original Sutra Author: N/A
Author: Fulchand Maharaj
Publisher: Sutragam Prakashan Samiti
Publication Year: 1954
Total Pages: 1300
Language: Prakrit
Classification: Book_Devnagari, Agam, Canon, agam_aupapatik, agam_rajprashniya, agam_jivajivabhigam, agam_pragyapana, agam_suryapragnapti, agam_chandrapragnapti, agam_jambudwipapragnapti, & agam_ni
File Size: 93 MB

Page 1013

सुत्तागमे
[दसासुयक्खंधो पडिसुणंति २ त्ता रायगिहं नगरं मज्झमज्झेणं जेणेव सेणियस्स रन्नो गिहे जेणेव सेणिए राया तेणेव उवागच्छंति २ त्ता सेणियं रायं करयलपरिग्गहियं जाव जएणं विजएणं वद्धावेंति वद्धावित्ता एवं वयासी-"जस्स णं सामी! दंसणं कंखइ जाव से णं समणे भगवं महावीरे गुणसि ले]लए उज्जाणे जाव विहरइ, एयं [तस्स] णं देवाणुप्पियाणं पियं निवेएमो पियं मे भवउ” ॥ २३२ ॥ तए णं से सेणिए राया तेसिं पुरिसाणं अंतिए एयमढे सोच्चा निसम्म हतुह जाव हियए सीहासणाओ अब्भुढेइ २ ता जहा कोणिओ जाव बंदइ नमसइ वंदित्ता नमंसित्ता ते पुरिसे सकारेइ सम्माणेइ सक्कारिता सम्माणित्ता विउलं जीवियारिहं पीइदाणं दलयइ २ त्ता पडिविसज्जेइ पडिविसज्जित्ता नगरगुत्तियं सद्दावेइ २ त्ता एवं वयासी-खिप्पामेव भो देवाणुप्पिया! रायगिहं नगरं सम्भितरवाहिरयं आसियसंमजिओवलित्तं जाव करित्ता० पञ्चप्पिणंति ॥ २३३ ॥ तए णं से सेणिए राया बलवाउयं सद्दावेइ २ त्ता एवं वयासी-खिप्पामेव भो देवाणुप्पिया ! हयगयरहजोह कलियं चाउरंगिणिं सेणं सण्णाहेह जाव से वि पञ्चप्पिणइ ॥ २३४ ॥ तए णं से सेणिए राया जाणसालियं सदावेइ २ त्ता एवं वयासी-"भो देवाणुप्पिथा ! खिप्पामेव धम्मियं जाणप्पवरं जुत्तामेव उवट्ठवेह उवट्ठवित्ता मम एयमाणत्तियं पञ्चप्पिणह" । तए णं से जाणसालिए सेणिएणं रन्ना एवं वुत्ते समाणे हद्वतुट्ठ जाव हियए जेणेव जाणसाला तेणेव उवागच्छइ २ ता जाणसालं अणुप्पविसइ २ त्ता जाणगं पञ्चुवेक्खइ २ त्ता जाणं पच्चोरुभइ २ त्ता दूसं पवी पीहणेइ २त्ता जाणगं संपमजइ संपमजित्ता जाणगं णीणेइ २ त्ता जाणाई समलंकरेइ २ त्ता जाणाइं वरमंडियाइं करेइ २ ता जाणाइं संवेढेइ २ त्ता जेणेव वाहणसाला तेणेव उवागच्छइ २ त्ता वाहणसालं अणुप्पविसइ २ त्ता वाहणाइं पञ्चुवेक्खइ २ त्ता वाहणाइं संपमज्जइ २ त्ता वाहणाई अप्फालेइ २ त्ता वाहणाई णीणेइ २ त्ता दूसं पवीणेइ २ त्ता वाहणाई समलंकरेइ २ त्ता वरभंडगमंडियाई करेइ २ त्ता वाहणाइं जाणगं जोएइ २ त्ता वट्टमग्गं गोहेइ २ त्ता पओयलढिं पओयधरे य समं आरोहइ २ त्ता अंतरासमपयंसि जेणेव सेणिए राया तेणेव उवागच्छइ २ ता करयल जाव एवं वयासी-जुत्ते ते सामी! धम्मिए जाणप्पवरे आइडे भदंतु' वग्गूहिं गाहित्ता ॥२३५॥ तए णं सेणिए राया भंभसारे जाणसालियस्स अंतिए एयमढे सोचा निसम्म हट्टतुट्ठ जाव मजणघरं अणुप्पविसइ २ त्ता जाव कप्परुक्खे चेव अलंकियविभूसिए णरिंदे जाव मजणघराओ पडिनिक्खमइ २ ता जेणेव चे(चि)लणादेवी तेणेव उवागच्छइ २ त्ता चेल्ल(णं)णादेविं एवं वयासी-एवं खलु देवाणुप्पिए ! समणे भगवं महावीरे आइगरे