________________
वि०प० स० २५ उ०३] सुत्तागमे य जुम्मपएसिए य, तत्थ णं जे से ओयपएसिए से जहन्नेणं सत्तावीसइपएसिए सत्तावीसइपएसोगाढे उक्कोसेणं अणंतपएसिए तहेव, तत्थ णं जे से जुम्मपएसिए से जहनेणं अट्ठपएसिए अट्ठपएसोगाढे प०, उक्कोसेणं अणंतपएसिए तहेव ॥ आयए णं भंते ! संठाणे कइपएसिए कइपएसोगाढे ५०? गोयमा । आयए णं संठाणे तिविहे प०, तं०-सेढिआयए पयरायए घणायए, तत्थ णं जे से सेढिआयए से दुविहे प०, तं०-ओयपएसिए य जुम्मपएसिए य, तत्थ गं जेसे ओयपएसिए से जहण्णेणं तिपएसिए तिपएसोगाढे उक्नोसेणं अणंतपएसिए तं चेव, तत्थ णं जे से जुम्मपएसिए से जहण्णेणं दुपएसिए दुपएसोगाढे उक्कोसेणं अणंतपएसिए तं चेव, तत्थ णं जे से पयरा. यए से दुविहे प०, तं०--ओयपएसिए य जुम्मपएसिए य, तत्थ णं जे से ओयपएसिए से जहन्नेणं पन्नरसपएसिए पन्नरसपएसोगाढे उक्नोसेणं अणंत० तहेव, तत्थ णं जे से जुम्मपएसिए से जहन्नेणं छप्पएसिए छप्पएसोगाढे उक्नोसेणं अणंत० तहेव, तत्थ णं जे से घणायए से दुविहे प०, तं०-ओयपएसिए य जुम्मपएसिए य, तत्थ णं जे से ओयपएसिए से जहन्नेणं पणयालीसपएसिए पणयालीसपएसोगाढे प०, उक्कोसेणं अणंत० तहेव, तत्थ णं जे से जुम्मपएसिए से जहण्णेण बारसपएसिए वारसपएसोगाढे प०, उक्कोसेणं अणंत० तहेव ॥ परिमंडले णं भंते! संठाणे कइपएसिए० पुच्छा, गोयमा ! परिमंडले णं संठाणे दुविहे प०, तं०-घणपरिमंडले य पयरपरिमंडले य, तत्थ णं जे से पयरपरिमंडले से जहन्नेणं वीसइपएसिए वीसइपएसोगाढे उक्कोसेणं अणंतपएसिए तहेव, तत्थ णं जे से घणपरिमंडले से जहन्नेणं चत्तालीसपएसिए चत्तालीसपएसोगाढे १०, उक्लोसेणं अणंतपएसिए असंखेजपएसोगाढे पनत्ते ॥ ७२५ ॥ परिमंडले णं भंते ! संठाणे दव्वट्ठयाए किं कडजुम्मे तेओए दावरजुम्मे कलिओए ? गोयमा ! नो कडजुम्मे णो तेओए णो दावरजुम्मे कलिओए, वट्टे णं भंते ! संठाणे दवट्ठयाए एवं चेव, एवं जाव आयए ॥ परिमंडला णं भंते ! संठाणा दव्वठ्ठयाए किं कडजुम्मा तेओगा दावरजुम्मा कलिओगा पुच्छा, गोयमा । ओघादेसेणं 'सिय कडजुम्मा सिय तेओगा सिय दावरजुम्मा सिय कलिओगा, विहाणादेसेणं नो कडजुम्मा नो तेओगा नो दावरजुम्मा कलिओगा, एवं जाव आयया ॥ परिमंडले गं भंते ! संठाणे पएसठ्ठयाए किं कडजुम्मे० पुच्छा, गोयमा ! सिय कडजुम्मे सिय तेओगे सिय दावरजुम्मे सिय कलिओगे, एवं जाव आयए, परिमंडला णं भंते ! संठाणा पएसट्टयाए कि कडजुम्मा० पुच्छा, गोयमा ! ओघादेसेणं सिय कडजुम्मा जाव सिय कलिओगा, विहाणादेसेणं कडजुम्मावि तेओगावि दावरजुम्मावि कलिओगावि, एवं जाव आयया ॥ परिमंडले णं
