________________
वि०प० स० २० उ०२] सुत्तागमे
७९१ वेदेमो ? गोयमा! अत्थेगइयाणं एवं सन्नाइ वा जाव वईइ वा अम्हे णं इटाणिद्वे सद्दे जाव इट्टाणिढे फासे पडिसंवेदेमो, अत्थेगइयाणं नो एवं सन्नाइ वा पण्णाइ वा जाव वईइ वा अम्हे णं इटाणिढे सद्दे जाव इटाणिढे फासे पडिसंवेदेमो, पडिसंवेदेति पुण ते, ते णं भंते ! जीवा किं पाणाइवाए उवक्खाइज्जति ? गोयमा! अत्थेगइया पाणाइवाएवि उवक्खाइज्जति जाव मिच्छादसणसल्लेवि उवक्खाइनति, अत्थेगइया नो पाणाइवाए उवक्खाइजंति नो मुसावाए उवक्खाइज्जति जाव नो मिच्छादसणसले उवक्खाइज्जति, जेसिंपिय णं जीवाणं ते जीवा एवमाहिज्जति तेसिपि णं जीवाणं अत्थेगइयाणं विन्नाए नाणत्ते, अत्थेगइयाणं नो विण्णाए नाणत्ते, उववाओ सव्वओ जाव सव्वट्ठसिद्धाओ, ठिई जहन्नेणं अंतोमुहुत्तं उक्कोसेणं तेत्तीसं सागरोवमाई, छस्समुग्धाया केवलिवज्जा, उव्वट्टणा सव्वत्थ गच्छंति जाव सव्वट्ठसिद्धति, सेसं जहा बेइंदियाणं । एएसि णं भंते ! बेइंदियाणं जाव पंचिदियाण य कयरे २ जाव विसेसाहिया वा ? गोयमा ! सव्वत्थोवा पंचिंदिया, चउरिंदिया विसेसाहिया, तेइंदिया विसेसाहिया, वेइंदिया विसेसाहिया । सेवं भंते ! सेवं भंते ! ति जाव विहरइ
॥ ६६१ ॥ वीसइमस्स सयरस पढमो उद्देसो समत्तो। ___कइविहे णं भंते ! आगासे प० ? गोयमा! दुविहे आगासे प०, तं०-लोयागासे य अलोयागासे य, लोयागासे णं भंते ! किं जीवा जीवदेसा०? एवं जहा विइयसए अत्थिउद्देसए तह चेव इहवि भाणियव्वं, नवरं अभिलावो जाव धम्मत्यिकाए णं भंते ! केमहालए प० ? गोयमा ! लोए लोयमेत्ते लोयप्पमाणे लोयफुडे लोयं चेव
ओगाहित्ताणं चिट्ठइ, एवं जाव पोग्गलत्यिकाए । अहेलोए णं भंते । धम्मत्यिकायस्स केवइयं ओगाढे ? गोयमा । साइरेगं अद्धं ओगाढे, एवं एएणं अभिलावेणं जहा विइयसए जाव ईसिप्पन्भारा णं भंते । पुढवी लोयागासस्स कि संखेजइभागं ओगाढा० पुच्छा, गोयमा । नो संखेजइभाग ओगाढा, असंखेज्जइभागं ओगाढा, नो संखेजे भागे ओगाढा, नो असंखेज्जे भागे ओगाढा, नो सव्वलोयं ओगाढा, सेसं तं चेव ॥ ६६२ ॥ धम्मत्थिकायस्स णं भंते ! केवइया अभिवयणा प०? गोयमा। अणेगा अभिवयणा प०, तंजहा-धम्मेइ वा धम्मत्थिकाएइ वा पाणाइवायवेरमणेइ वा मुसावायवेरमणेइ वा एवं जाव परिग्गहवेरमणेइ वा कोहविवेगेइ वा जाव मिच्छादसणसल्लविवेगेइ वा इरियासमि(ए)ईइ वा भासासमिईइ वा एसणासमिईइ वा आयाणभंडमत्तनिक्खेवणासमिईइ वा उच्चारपासवणखेलजल्लसिंघाणपारिट्ठावणियासमिईइ वा मणगुत्तीइ वा वइगुत्तीइ वा कायगुत्तीइ वा जे यावन्ने तहप्पगारा सव्वे ते धम्मथिकायस्स अभिवयणा, अहम्मत्थिकायस्स णं भंते ! केवइया अभिवयणा प० ?
