________________
७१८
सुत्तागमे
[भगवई
वम्मीयस्स पढमं वप्पि भिदंति, ते णं तत्थ अच्छं पत्थं जच्चं तणुयं फालियवन्नाभ उरालं उदगरयणं आसादेंति, तए णं ते वणिया हतुहा पाणियं पिवंति २ त्ता वाहणाइं पजेति वा० २ त्ता भायणाई भरेंति भा० २ त्ता दोचपि अन्नमन्नं एवं वयासी-एवं खलु देवाणुप्पिया! अम्हेहिं इमस्स वम्मीयस्स पढमाए वप्पाए भिण्णाए ओराले उदगरयणे अस्सादिए, तं सेयं खलु देवाणुप्पिया ! अम्हं इमस्स वम्मीयस्स दोच्चंपि. वप्पि भिंदित्तए, अवि याइं एत्थ ओरालं सुवन्नरयणं अस्सादेस्सामो, तए णं ते वणिया अन्नमन्नस्स अंतियं एयमढे पडिसुणेति अ० २ त्ता तस्स वम्मीयस्स दोचपि वप्पिं भिंदंति, ते णं तत्य अच्छं जचं तावणिज महत्थं महग्धं महरिहं ओरालं सुवन्नरयणं अस्सादेंति, तए णं ते वणिया हट्टतुट्टा भायणाई भरेंति २ त्ता पवहणाई भरेंति २ त्ता तच्चपि अन्नमन्नं एवं वयासी-एवं खलु देवाणुप्पिया ! अम्हे इमस्स वम्मीयस्स पढमाए वप्पाए भिन्नाए ओराले उदगरयणे अस्सादिए, दोच्चाए वप्पाए भिन्नाए ओराले सुवन्नरयणे अस्सादिए, तं सेयं खलु देवाणुप्पिया! अम्हं इमस्स वम्मीयस्स तच्चपि व(प्प)प्पिं भिदित्तए, अवि याइं एन्थं ओरालं मणिरयणं अस्सादेस्सामो, तए णं ते वणिया अन्नमन्नस्स अंतियं एयमढें पडिसुणेति अं० २ त्ता तस्स वम्मीयस्स तच्चपि वप्पि भिदंति, ते णं तत्थ विमलं निम्मलं नित्तलं निकले महत्थं महग्धं महरिहं ओरालं मणिरयणं अस्सादेंति, तए णं ते वणिया हद्वतुट्ठा भायणाई भरेंति भा० २ त्ता पवहणाइं भरेंति २ त्ता चउत्थंपि अन्नमन्नं एवं वयासी-एवं खलु देवाणुप्पिया ! अम्हे इमस्स वम्मीयस्स पढमाए वप्पाए भिन्नाए ओराले उदगरयणे अस्सादिए, दोच्चाए वप्पाए भिन्नाए ओराले सुवगरयणे अस्सादिए, तच्चाए वप्पाए भिन्नाए ओराले मणिरयणे अस्सादिए, तं सेयं खलु देवाणुप्पिया! अम्हं इमस्स वम्मीयस्स चउत्थंपि वप्पि भिंदित्तए, आदि याई इत्थं उत्तमं महग्धं महत्थं महरिहं ओरालं वइररयणं अस्सादेस्सामो, तए ण तेसिं वणियाणं एगे वणिए हियकामए सुहकामए पत्थकामए आणुकंपिए निस्सेयसिए हिंयसुहनिस्सेसकामए ते वणिए एवं वयासी-एवं खलु देवाणुप्पिया! अम्हे इमस्स वम्मीयस्स पढमाए वप्पाए भिन्नाए आराले उदगरयणे जाव तच्चाए वप्पाए भिन्नाए ओराले मणिरयणे अस्सादिए, तं होउ अलाहि पज्जत्तं णे एसा च उत्थी वप्पा मा भिजउ, च उत्थी णं वप्पा सउवसग्गा यावि हो(त्या)जा, तए णं ते वणिया तस्स वणियस्स हियकामगस्स सुहकामगस्स जाव हियसुहनिस्सेसकामगस्स एवमाइक्खमाणस्स जाव परूवेमाणस्स एयमढें नो सद्दहति जाव नो रोयंति, एयमढें असद्दहमाणा जाव अरोएमाणा तरस वम्मीयस्स चउत्थंपि वप्पिं भिंदंति, ते णं तत्थ उग्गविसं
