________________
सुत्तागमे
भगवई जहा नेरइया, धम्मत्थिकाए जाव पोग्गलत्थिकाए एए सव्वे अवन्ना जाव अफासा, नवरं पोग्गलत्यिकाए पंचवन्ने पंचरसे दुगंधे अट्ठफासे पण्णत्ते, णाणावरणिज्जे जाव अंतराइए एयाणि जाव चउफासाणि, कण्हलेसा णं भंते ! कइवन्ना ४ प० ? गोयमा! दवलेसं पडुच्च पंचवन्ना जाव अट्ठफासा पण्णत्ता, भावलेसं पडुच्च अवन्ना ४, एवं जाव सुक्कलेस्सा, सम्मदिट्ठी ३ चक्खुइंसणे ४ आभिणिवोहियणाणे ५ जाव विभंगणाणे आहारसन्ना जाव परिग्गहसन्ना एयाणि अवन्नाणि ४, ओरालियसरीरे जाव तेयगसरीरे एयाणि अट्ठफासाणि, कम्मगसरीरे चउफासे, मणजोगे य वइजोगे य चउफासे, कायजोगे अट्ठफासे, सागारोवओगे य अणागारोवओगे य अवन्ना । सव्वदव्वा णं भंते ! कइवन्ना० पुच्छा, गोयमा! अत्थेगइया सव्वदव्वा पंचवन्ना जाव अट्ठन फासा पण्णत्ता, अत्थेगइया सव्वव्वा पंचवन्ना जाव चउफासा पण्णत्ता, अत्थेगइया सव्वदव्वा एगगंधा एगवण्णा एगरसा दुफासा पन्नत्ता, अत्थेगइया सव्वदव्वा अवन्ना जाव अफासा पन्नत्ता, एवं सव्वपएसावि सव्वपज्जवावि, तीयद्धा अवन्ना जाव अफासा पण्णत्ता, एवं जाव अणागयद्धावि, एवं सव्वद्धावि ॥ ४४९ ॥ जीवे णं भंते ! गभं वकममाणे कइवनं कइगंधं कइरसं कइफासं परिणाम परिणमइ ? गोयमा ! पंचवन्नं पंचरसं दुगंधं अट्ठफासं परिणामं परिणमइ ॥ ४५० ॥ कम्मओ णं भंते ! जीवे नो अकम्मओ विभत्तिभावं परिणमइ कम्मओ णं जए नो अकम्मओ विभत्तिभावं परिणमइ ? हंता गोयमा । कम्मओ णं तं चेव जाव परिणमइ नो अकम्मओ विभत्तिभावं परिणमइ, सेवं भंते ! सेवं भंते ! त्ति ॥ ४५१ ॥ बारहमे सए पञ्चमो उद्देलो समत्तो॥
रायगिहे जाव एवं वयासी-बहुजणे णं भंते ! अन्नमन्नस्स एवमाइक्खइ जाव एवं परवेइ-एवं खलु राहू चंदं गेण्हइ एवं० २, से कहमेयं भंते ! एवं ? गोयमा ! जन्नं से बहुजणे णं अन्नमन्नस्स जाव मिच्छं ते एव माहंसु, अहं पुण गोयमा! एवमाइक्खामि जाव एवं परूवेमि-एवं खलु राहू देवे महिदिए जाव महेसक्खे वरवत्थधरे वरमल्लधरे वरगंधधरे वराभरणधारी, राहुस्स णं देवस्स नव नामधेज्जा प०, तंजहा-सिंघाडए १ जडिलए २ खंभए [खत्तए] ३ खरए ४ ददुरे ५ मगरे ६ मच्छे ७ कच्छभे ८ कण्हसप्पे ९, राहुस्स णं देवस्स विमाणा पंचवन्ना पण्णत्ता, तंजहा-किण्हा नीला लोहिया हालिद्दा सुकिल्ला, अत्थि कालए राहुविमाणे खंजणवन्नाभे पण्णत्ते, अत्थि नीलए राहुविमाणे लाउयवन्नामे प०, अत्थि लोहिए राहुविमाणे मंजिवन्नाभे प०, अत्थि पीयए राहुविमाणे हालिद्दवन्नाभे पन्नत्ते, अस्थि सुकिल्लए राहुविमाणे भासरासिवन्नाभे पन्नत्ते ॥ जया णं राहू आगच्छमाणे वा गच्छमाणे
