________________
वि० प० स० १० उ० १ ]
६१३
सिय चउकिरिए सिय पंचकिरिए । सेवं भंते । सेवं भंते ! ति ॥ ३९२ ॥ नवमसर चउत्तीसमो उद्देसो समत्तो ॥ नवमं सयं समत्तं ॥
गाहा—-दिसि १ संवुडअणगारे २ आइड्ढी ३ सामहत्थि ४ देवि ५ सभा ६ । उत्तरअंतरदीवा २८ दसमंमि सयंमि चोत्तीसा ॥ ३४ ॥ रायगिहे जाव एवं व्यासीकिमियं भंते! पाईणति पञ्चइ ? गोयमा ! जीवा चेव अजीवा चेव, किमियं भंते ! पडीणत्ति पच्चइ ? गोयमा । एवं चेव, एवं दाहिणा, एवं उदीणा, एवं उड्ढा, एवं अहोवि । कइ णं भंते । दिसाओ पण्णत्ताओ ? गोयमा ! दस दिसाओ पण्णत्ताओ, तंजहा - पुरच्छिमा १ पुरच्छिमदाहिणा २ दाहिणा ३ दाहिणपच्चत्थिमा ४ पच्चत्थिमा ५ पच्चत्थिमुत्तरा ६ उत्तरा ७ उत्तरपुरच्छिमा ८ उड्ढा ९ अहो १० । एयासि णं भंते! दसहं दिसणं कड़ णामधेज्जा पण्णत्ता ? गोयमा ! दस नामधेजा पण्णत्ता, तंजहा - इंदा १ अग्गेई २ जमा य ३ नेरई ४ वारुणी य ५ वायव्वा ६, सोमा ७ ईसाणी य ८ विमला य ९ तमा य १० बोद्धव्वा । इंदा णं भंते ! दिसा किं जीवा जीवदेसा जीवपएसा अजीवा अजीव देसा अजीवपएसा ? गोयमा ! जीवावि ३ तं चेव जाव अजीव एसावि, जे जीवा ते नियमा एगिंदिया बेइंदिया जाव पंचिंदिया अणिदिया, जे जीवदेसा ते नियमा एगिंदियदेसा जाव अनिंदियदेसा, जे जीवपएसा ते नियमा एगिंदियपएसा बेइंदियपएसा जाव अनिंदियपएसा, जे अजीवा ते दुविहा पन्नत्ता, तंजहा - रुवी अजीवा य अरुवी अजीवा य, जे रुवी अजीवा ते चउव्विहा पन्नत्ता, तंजा - खंधा १ खंदेसा २ खंधपएसा ३ परमाणुपोग्गला ४, जे अरुवी अजीवा ते सत्तविहा पत्ता, तंजहा - नोधम्मत्थिकाए धम्मत्थिकायस्स देसे, धम्मत्थिकायस्स पएसा, नोअधम्मत्थिकाए अधम्मत्थिकायस्स देसे, अधम्मत्थिकायस्स पएसा, नोआगासत्थिकाए आगासत्थिकायस्स देसे, आगासत्थिकायस्स पएसा, अद्धासमए ॥ अग्गेई णं भंते ! दिसा किं जीवा जीवदेसा जीवपएसा० ? पुच्छा, गोयमा ! णोजीवा जीवदेसावि १ जीवपएसाबि २ अजीवावि १ अजीवदेसावि २ अजीवपएसावि ३, जे जीवदेसा ते नियमा एगिंदियदेसा अहवा एगिंदियदेसा य बेइंदि - यस्स देसे १ अहवा एगिदियदेसा य वेइंदियस्स देसा २ अहवा एगिंदियदेसा य बेइंदियाण य देसा ३ अहवा एगिंदियदेसा तेइंदियस्स देसे एवं चेव तियभंगो भाणियचो एवं जाव अणिदियाणं तियभंगो, जे जीवपएसा ते नियमा एगिंदियपएसा अहवा एगिदियपएसा य बेइंदियस्स पएसा अहवा एगिदियपएसा य बेइंदियाण य पएसा एवं आइलविरहिओ जाव अनिंदियाणं, जे अजीवा ते दुविहा पन्नत्ता, तंजहा - रुवी अजीवा य अरूवी अजीवा य, जे रूवी अजीवा ते चउव्विहा
सुत्तागमे
P
1
