________________
पढमज्झयणं उ *]
सुत्तागमे
इक्खइ ॥ २० ॥ लज्जमाणा पुढो, पास, अणगारा मो त्ति एगे पवयमाणा; जमिणं विरूवरूवेहिं सत्थेहि उदयकम्मसमारंभेणं उदयसत्थं समारंभमाणे अणेगरूवे पाणे विहिंसइ ॥ २१ ॥ तत्थ खलु भगवया परिण्णा पवेइया, इमरस चेव जीवियस्स परिवंदण, माणण, पूयणाए जाइमरणमोयणाए, दुक्खपडिघायहेउं, से सयमेव उदयसत्थं समारभति, अण्णेहिं वा उदयसत्थं समारंभावेति, अन्ने उदयसत्थं समारंभंते समणुजाणति, तं से अहियाए, तं से अवोहीए ॥ २२ ॥ से तं संवुज्झमाणे आयाणीयं समुट्ठाय सोचा खलु भगवओ अणगाराणं अंतिए इहमेगेसि णायं भवति, एस खलु गंथे, एस खलु मोहे, एस खलु मारे, एस खलु णरए । इचत्थं गढिए लोए जमिणं विरूवरूवेहिं सत्थेहिं उदयकम्मसमारंभेणं उदयसत्थं समारंभमाणे अण्णे अणेगरूवे पाणे विहिंसइ ॥ २३ ॥ से बेमि, संति पाणा उदयनिस्सिया जीवा अणेगे, इह च खलु भो ! अणगाराणं उदयजीवा वियाहिया । सत्थं चेत्थं अणुवीर पासा । पुढो सत्थं पवेदितं ॥ २४ ॥ अदुवा अदिन्नादानं ॥ २५ ॥ कप्पड़ कप्पइ णे पाउं, अदुवा विभूसाए, पुढो सत्थेहिं विउति एत्थ वि तेसि णो णिकरणाए ॥ २६ ॥ एत्थ सत्थं समारभमाणस्स इच्चेते आरंभा अपरिण्णाया भवंति । एत्थ सत्यं असमारंभमाणस्स इच्चेते आरंभा परिण्णाया भवंति । तं परिण्णाय मेहावी व सयं उदयसत्यं समारंभेजा, णेवन्नेहिं उदयसत्थं समारंभावेजा उदयसत्थं समारंभंतेऽवि अण्णे ण समणुजाणेज्जा, जस्सेते उदयसत्थसमारंभा परिण्णाया भवंति से हु मुणी परिण्णातकम्मे त्ति बेमि ॥ २७ ॥ तइओसो ॥
से बेमिव स लोयं अब्भाइक्खेजा, णेव अत्ताणं अब्भाइक्खेजा, जे लोगं अब्भाइक्खति, से अत्ताणं अव्भाइक्खति, जे अत्ताणं अब्भाइक्खति, से लोगं अव्भाइक्खति ॥ २८ ॥ जे दीहलोगसत्थस्स खेयन्ने, से असत्थस्स खेयन्ने; जे असत्यस्स खेयन्ने, से दीहलोगसत्थस्स खेयने ॥ २९ ॥ वीरेहि एवं अभिभूय दिठ्ठे, संजते हिंसया जत्तेहिं सया अप्पमत्तेहिं ॥ ३० ॥ जे पमत्ते गुणट्ठीए से हु दंडे त्ति पचति । तं परिणाय मेहावी इयाणि णो जमहं पुव्वमकासी पमादेणं ॥ ३१ ॥ लज्जमाणा पुढो पास-अणगारा मोत्ति एगे पवयमाणा जमिणं विरूवरूवेहिं सत्थेहिं अगणिकम्मसमारंभेणं अगणिसत्यं समारभमाणे, अण्णे अणेगरूवे पाणे विहिंसति ॥ ३२ ॥ तत्थ खलु भगवया परिण्णा पवेदिया, इमस्स चेव जीवियस्स परिवंदणमाणणपूयणाए, जाइमरणमोयणाए, दुक्खपडिघायहेडं, से सयमेव अगणिसत्यं समारंभति, अण्णेहिं वा अगणिसत्यं समारंभावेइ अण्णेवा अगणिसत्यं समारभमाणे समणुजाणति । तं से अहियाए तं से अवोहिए ॥ ३३ ॥ से तं संवुज्झमाणे आया
6
