________________
वि० ५० स० ३ उ० २]
सुत्तागमे
४५३
वज निसिरइ । तते णं से चमरे असुरिंढे असुरराया तं जलंतं जाव भयंकरं वजमभिमुहं आवयमाणं पासइ पासइत्ता ‘झियाति पिहाइ झियाइत्ता पिहाइत्ता तहेव संभग्गमउडविडए सालंवत्थाभरणे उद्धृपाए अहोसिरे कक्खागयसेयपि व विणिम्मुयमाणे २ ताए उकिटाए जाव तिरियमसंखेजाणं दीवसमुद्दाणं मझमज्झेणं वीईवयमाणे २ जेणेव जंबुद्दीवे २ जाव जेणेव असोगवरपायवे जेणेव मम अंतिए तेणेव उवागच्छइ २ त्ता मीए भयगग्गरसरे भगवं सरणमिति बुयमाणे ममं दोण्हवि पायाण अंतरंसि अत्तिवेगेण समोवडिए ॥१४३॥ तए णं. तस्स सक्कस्स देविंदस्स देवरन्नो इमेयारूवे अज्झत्यिए जाव समुप्पज्जित्था-नो खलु · पभू चमरे असुरिदे असुरराया नो खलु समत्थे चमरे असुरिंदे असुरराया नो खलु विसए चमरस्स असुरिंदस्स असुररन्नो अप्पणो निस्साए उर्दू उप्पइत्ता जाव सोहम्मो कप्पो णण्णत्थ अरिहंते वा अणगारे वा भावियप्पणो णीसाए उर्दू उप्पयति जाव सोहम्मो कप्पो, तं महादुक्खं खलु तहारुवाणं अरहंताणं भगवंताणं अणगाराण य अच्चासायणाएत्तिकद्दु मोहिं पउंजति २ ममं ओहिणा आभोएति २ हा हा अहो हतोऽहमंसित्तिकटु ताए उनिहाए जाव दिव्वाए देवगतीए वजस्स वीहिं अणुगच्छमाणे २ तिरियमसंखेजाणं दीवसमुदाणं मज्झमज्झेणं जाव जेणेव असोगवरपायवे जेणेव ममं अंतिए तेणेव उवागच्छंइ २ ममं चउरंगुलमसंपत्तं वजं पडिसाहरइ ॥ १४४ ॥ अवियाई मे गोयमा ! मुट्ठिवाएणं केसग्गे वीइत्था, तए णं से सक्के देविदे देवराया वज पडिसाहरित्ता ममं तिक्खुत्तो आयाहिणं पयाहिणं करेइ २ वंदइ नमसइ २ एवं वयासी-एवं खलु भंते ! अहं तुम्भं नीसाए चमरेणं असुरिंदेणं असुररन्ना सयमेव अचासाइए, तए णं मए परिकुविएणं समाणेणं चमरस्स असुरिंदस्स असुररन्नो चहाए वजे निसिट्टे, तए णं मे इमेयारूवे अज्झथिए जाव समुप्पज्जित्था-नो खलु पभू चमरे असुरिंदे असुरराया तहेव जाव ओहिं पउंजामि देवाणुप्पिए ओहिणा आभोएमि हा हा अहो हतोमीतिकटु ताए उनिहाए जाव जेणेव देवाणुप्पिए तेणेव उवागच्छामि देवाणुप्पियाणं चउरंगुलमसंपत्तं वजं पडिसाहरामि वजपडिसाहरपट्टयाए णं इहमागए'इह समोसढे इह संपत्ते इहेव अन्ज उवसंपज्जित्ता णं विहरामि, तं खामेमि णं देवाणुप्पिया ! खमंतु ण देवाणुप्पिया! [खमंतु] मरहंतु णं देवाणुप्पिया! णाइभुजो एवं पकरणयाएतिकट्ठ ममं वंदइ नमसइ २ उत्तरपुरच्छिमं दिसीभागं अवक्कमइ २ वामेणं पादेणं तिक्खुत्तो भूमि दलेइ २.चमरं असुरिंदं असुररायं एवं वदासी-मुक्कोऽसि णं भो चमरा! असुरिंदा असुरराया ! समणस्स भगवओ महावीरस्स पभावेणं नाहि ते दाणिं ममाओ भयमत्थीतिकट्ठ जामेव दिसिं पाउ
