Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 504

४५२
सुत्तागमे
[भगवई
नमंसित्ता एवं वयासी-इच्छामि णं भंते ! तुझ नीसाए सक्नं देविदं देवरायं सयमेव अचासादित्तएत्तिकट्ठ उत्तरपुरच्छिमे दिसीभागे अवक्कमइ २ वउव्वियसमुग्याएणं समोहणइ २ जाव दोच्चपि वेउव्वियसमुग्धाएणं समोहणइ २ एग महं घोरं घोरागारं भीमं भीमागारं भासुरं भयाणीयं गंभीरं उत्तासणयं कालड्रत्तमासरासिसंकासं जोय. णसयसाहस्सीयं महाबोंदि विउव्वइ २ अप्फोडेइ २ वग्गइ २ गज्जइ २ हयहेसियं' करेड २ हत्थिगुलगुलाइयं करेइ २ रहघणघणाइयं करेइ २ पायदद्दरगं करेइ २ भमिचवेडयं दलयइ २ सीहणादं नदइ २ उच्छोलेइ २ पच्छोलेइ २ तिपइं छिदइ २ वामं भुयं ऊसवेइ २ दाहिणहत्थपदेसिणीए य अंगुट्ठणहेण य वितिरिच्छमुहं विडंबेइ २ महया २ सद्देणं कलकलरवं करेइ, एगे अबीए फलिहरयणमायाए उड़ वेहासं उप्पइए, खोभते चेव अहेलोयं कंपेमाणे च मेयणितलं आकर्ट (साकडं) तेव तिरियलोयं फोडेमाणेव अबरतलं कत्थइ गजंतो कत्थइ विजुयायंते कत्थइ वासं वासमाणे कत्थइ रउग्घायं पकरेमाणे कत्थइ तमुक्कायं पकरेमाणे वाणमंतरदेवे वित्तासेमाणे जोइसिए देवे दुहा विभयमाणे २ आयरक्खे देवे विपलायमाणे २ फलिहरयणं अंबरतलंसि वियट्टमाणे २ विउज्झाएमाणे २ ताए उनिहाए जाव तिरियमसंखेजाणं दीवसमुदाणं मज्झमज्झेणं वीइवयमाणे २ जेणेव सोहम्मे कप्पे जेणेव सोहम्मवडेसए विमाणे जेणेव सभा सुधम्सा तेणेव उवागच्छइ २ एगं पायं पउमवरवेइयाए करेइ एगं पायं सभाए सुहम्माए करेइ फलिहरयणेणं महया २ सद्देणं तिक्खुत्तो इंदकीलं आउडेइ २ एवं वयासी-कहि णं भो! सक्के देविदे देवराया ? कहि ण ताओ चउरासीइ सामाणियसाहस्सीओ ? जाव कहि णं ताओ चत्तारि चउरासीओ आयरक्खदेवसाहस्सीओ ? कहि णं ताओ अणेगाओ अच्छराकोडीओ ? अज हणामि अन्न महेमि अज वहेमि अज ममं अवसाओ अच्छराओ वसमुवणमंतुत्तिकट्ठ तं अणिठं अकंतं अप्पियं असुभ अमणुण्णं अमणामं फरुसं गिरं निसिरइ, तए णं से सक्ने देविदे देवराया तं अणिढे जाव अमणामं अस्सुयपुव्वं फरसं गिरं सोचा निसम्म आसुस्ते जाव मिसिमिसेमाणे तिवलियं भिउडि निडाले साहट्ट चमरं अनुरिंदं असुररायं एवं वदासी-हं भो चमरा ! असुरिंदा ! असुरराया ! अपत्थियपत्यया! जाव हीणपुन्नचाउद्दसा.! अजं न भवसि नाहि ते सुहमत्थीतिकट्ट तत्थेद सीहासणवरगए वजं परामुसइ २ तं जलंतं फुडतं तडतडतं उक्कासहस्साई विणिम्मुयमाणं जालासहस्साई पमुंचमाणं इंगालसहस्साइं पविक्खिरमाणं २ फुलिगजालामालासहस्सेहि चक्खुविक्खेवदिद्विपडिघायं पकरेमाणं हुयवहअइरेगतेयदिप्पंतं जडणवेगं फुत्रकिसुयसमाणं महब्भयं भयंकरं चमरस्स असुरिदस्स असुररन्नो वहाए