Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 408

३५६ सुत्तागमे
[समवाए सत्ताणउई च सहस्सा तेवीसं च विमाणा भवंतीति मक्खायं ॥ १६२ ॥ आयारस्स णं भगवओ सचूलियागस्स पंचासीइ उद्देसणकाला प० । धायइसंडस्स ण मंदरा पंचासीइ जोयणसहस्साइं सव्वग्गेणं प० । रुयए णं मंडलियपव्वए पंचासीइ जोयणसहस्साइं सव्वग्गेणं प०। नंदणवणस्स णं हेहिल्लाओ चरमंताओ सोगंधियस्स कंडस्स हेहिले चरमंते एस णं पंचासीइ जोयणसयाइं अवाहाए अंतरे प० ॥ १६३ ॥ सुविहिस्स णं पुप्फदंतस्स अरहओ छलसीइ गणा छलसीइ गणहरा होत्था । सुपासस्स णं अरहओ छलसीइ वाइसया होत्था । दोच्चाए णं पुढवीए बहुमज्झदेसभागाओ दोच्चस्स घणोदहिस्स हेडिल्ले चरमंते एस णं छलसीइ जोयणसहस्साइं अवाहाए अंतरे प० ॥१६४ ॥ मंदरस्स णं पव्वयस्स पुरच्छिमिल्लाओ चरमंताओ गोथूभस्स आवासपव्वयस्स पञ्चच्छिमिल्ले चरमंते एस णं सत्तासीइं जोयणसहस्साई अवाहाए अंतरे प० । मंदरस्स णं पव्वयस्स दक्खिणिल्लाओ चरमंताओ दगभासस्स आवासपव्वयस्स उत्तरिल्ले चरमंते एस णं सत्तासीई जोयणसहस्साई अवाहाए अंतरे प० । एवं संदरस्स पञ्चच्छिमिल्लाओ चरमंताओ संखस्स आवासपव्वयस्स पुरच्छिमिल्ले चरमंते एस णं सत्तासीई जोयणसहस्साई अवाहाए अंतरे प० । एवं चेव मंदरस्स उत्तरिलाओ चरमंताओ दगसीमस्स आवासपव्वयस्स दाहिजिल्ले चरमंते एस णं सत्तासीई जोयणसहस्साइं अवाहाए अंतरे प० । छण्डं कम्मपगडीणं आइमउवरिलवजाणं सत्तासीई उत्तरपगडीओ पन्नत्ताओ। महाहिमवंतकूउस्स णं उवरिमंताओ सोगंधियस्स कंडस्स हेहिले चरमंते एस णं सत्तासीइ जोयणसयाई अवाहाए अंतरे प० । एवं रुप्पिकूडस्स वि ॥ १६५ ॥ एगमेगस्स णं चंदिमसूरियस्स अट्ठासीइ अट्ठासीइ महग्गहा परिवारो प० । दिठिवायस्स णं अट्ठासीइ सुत्ताइं पन्नत्ताई, तं जहा-उज्जुसुयं परिणयापरिणयं एवं अट्ठासीइ सुत्ताणि भाणियव्वाणि जहा नंदीए । मंदरस्स णं पव्वयस्स पुरच्छिमिल्लाओ चरमंताओ गोथूभस्स आवासपव्वयस्स पुरच्छिमिल्ले चरमंते एस णं अट्ठासीई जोयणसहस्साई अवाहाए अंतरे प० । एवं चउसु वि दिसासु नेयव्वं । वाहिराओ उत्तराओ णं कहाओ सूरिए पढ छम्मासं अयमाणे चोयालीसइमे मंडलगते अट्ठासीति एगसट्ठिभागे मुहुत्तस्स दिवसखेत्तस्त निवुवेत्ता रयणिखेत्तस्स अभिनिचुड्वेत्ता सूरिए चारं चरइ । दक्षिणकट्ठाओ णं सूरिए दोच्च छम्मासं अयमाणे चोयालीसतिमे मंडलगते अट्ठासीई एगसट्ठिभागे मुहुत्तस्स रयणिखेत्तस्स निवुड्वेत्ता दिवसखेत्तस्स अभिनिवुद्धृित्ता णं सूरिए चारं चरइ ।। १६६ ।। उसमे णं अरहा कोसलिए इमीसे ओसप्पिणीए ततियाए सुसमदूसमाए (समाए) पच्छिमे भागे एगूणणउए अद्धमासेहिं सेसेहिं कालगए जाव सव्व