________________
..
.]
सुत्तागमे
३०३
काइयनिवत्तिए जाव पंचिंदियनिवत्तिए एवं चिण उवचिण जाव णिज्जरा चेक ॥ ९२७ ॥णव पएसिया खंधा अणंता प० ॥ ९२८ ॥ णव पएसोगाढा पोग्गला अणंता प० ॥ ९२९ ॥ जाव णव गुणलुक्खा पोग्गला अगंता प० ॥ ९३० ॥ नवमं ठाणं नवममज्झयणं समत्तं ।।
दसमठाणं दसविहा लोगठिई प० तं० जण्णं जीवा उदाइत्ता २ तत्थेव २ भुजो २ पच्चायंति, एवं एगा लोगठिई प० १ जणं जीवाणं सया समियं पावे कम्मे कन्जइ एवं एगा लोगठिई प० २ जणं जीवा सया समियं मोहणिजे पावे कम्मे कज्जइ एवं एगा लोगछिई प० ३ ण एवं भूयं वा भव्वं वा भविस्सइ वा जं जीवा अजीवा भविस्संति अजीवा वा जीवा भविस्संति एवं एगा लोगठिई प० ४ ण एवं भूयं ३ जे तसा पाणा वोच्छिजिस्संति थावरा पाणा वोच्छिजिस्संति तसा पाणा भविस्संति वा एवं पि एगा लोगट्टिई प० ५ ण एवं भूयं वा ३ जं लोगे अलोगे भविस्सइ अलोगे वा लोगे भविस्सइ एवं एगा लोगठिई प० ६ ण एवं भूयं वा ३ जं लोए अलोए पविस्सइ अलोए वा लोए पविस्सइ एवं एगा लोगठिई प० ७ जाव ताव लोगे ताव ताव जीवा जाव ताव जीवा ताव ताव लोए एवं एगा लोगठिई प० ८ जाव ताव जीवाण य पोग्गलाण य गइपरियाए ताव ताव लोए जाव ताव लोए ताव ताव जीवाण य पोग्गलाण य गइपरियाए एवं एगा लोगठिई प० ९ सव्वेसु वि णं लोगतेसु अवद्धपासपुठ्ठा पोग्गला लुक्खत्ताए कज्जति जेणं जीवा य पोग्गला य नो संचायति बहिया लोगंता गमणयाए एवं एगा लोगठिई पण्णत्ता ॥ ९३१ ॥ दस विहे सद्दे प० तं० नीहारि पिडिमे लुक्खे भिन्ने जजरिए इय; दीहे रहस्से पुहत्ते य, काकणी खिंखिणिस्सरे ॥ ९३२ ॥ दस इंदियत्थातीता प० तं० देसेण वि एगे सदाइं सुणिसु सव्वेण वि एगे साइं सुणिंसु देसेण वि एगे रूवाइं पासिंसु सव्वेण वि एगे रुवाई पासिंसु एवं गंधाइं रसाइं फासाइं जाव सव्वेण वि एगे फासाइं पडिसंवेदेंसु ॥९३३ ॥ दस इंदियत्था पडुप्पन्ना प० तं०-देसेण वि एगे सहाइं सुणेति, सव्वेण वि एगे सद्दाइं सुणेति, एवं जाव फासाइं, दस इंदियत्था अणागया प० तं०-देसेण वि एगे सद्दाई सुणिस्संति सव्वेण वि एगे सद्दाइं सुणिस्संति एवं जाव सव्वेण वि एगे फासाई पडिसंवेदेस्संति ॥ ९३४ ॥ दसहि ठाणेहिं अच्छिन्ने पोग्गले चलेजा तं०-आहारिजमाणे वा चलेज्जा, परिणामेजमाणे वा चलेजा, उस्ससिज्जमाणे वा चलेना, निस्ससिज्जमाणे वा चलेजा, वेदेजमाणे वा चलेजा, णिज्जरिज्जमाणे का
