________________
म०५ उ०२]
सुत्तागमे
२६१
नों कप्पइ निग्गंथाणं वा, निग्गथीणं वा इमाओ उद्दिष्ठाओ गणियाओ वियंजियाओ पंच महण्गवाओ महागईओ अंतो मासस्स दुखुत्तो वा, तिक्खुत्तो वा, उत्तरित्तए वा संतरित्तए वा तं० गंगा जउणा सरऊ एरावई मही, पंचहिं ठाणेहिं कप्पइ तं० भयसि वा, दुभिक्खंसि वा, पव्वहेज व णं कोई उदयोघंसि वा एजमाणंसि, महता वा अणारिएहि, णो कप्पइ णिग्गंथाणं वा णिग्गंधीणं वा पढमपाउसंसि गामाणुगामं दूइजित्तए, पंचहिं ठाणेहिं कप्पइ तं० भयंसि वा दुभिक्खंसि वा जाव महता वा अणारिएहि, वासावासं पज्जोसवियाणं णो कप्पइ णिग्गंथाणं वा निग्गंधीणं वा गामाणुगामं दूइजित्तए, पंचहि ठाणेहि कप्पइ तं० णाणठ्याए दंसणठ्याए चरित्तठ्याए आयरियउवझाया वा से वीसुंभेज्जा आयरियउवज्झायाणं वा वहिया वयावच्चं करणयाए ॥ ५१३ ॥ पंच अणुग्धाइमा प० तं० हत्थकम्मं करेमाणे मेहुणं पडिसेवेमाणे राइभोयणं भुंजमाणे सागारियपिंडं भुंजमाणे रायपिंडं भुंजमाणे, पंचहिं ठाणेहिं समणे निग्गंथे रायंतेउरमणुपविसमाणे नाइकमइ तं० णगरं सिया सव्वओ समंता गुत्ते गुत्तदुवारे वहवे समणा निग्गंथा णो संचाएन्ति भत्ताए वा पाणाए वा निक्खमित्तए वा पविसित्तए वा तेसिं विष्णवणठ्याए रायतेउरमणुपविसेज्जा पाडिहारियं वा पीढफलगसेज्जासंथारगं पञ्चप्पिणमाणे रायंतेउरमणुपविसेजा हयस्स वा गयस्स वा दुठुस्स आगच्छमाणस्स भीए रायंतेउरमणुपविसेज्जा परो वा गं सहसा वा वलसा वा वाहाए गहाय रायंतेउरमणुपविसेज्जा वहिया व णं आरामगयं वा उजाणगयं वा रायंतेउरजणो सव्वओ समंता संपरिक्खिवित्ता णं निविसेज्जा इच्चेएहिं पंचहिं ठाणेहि समणे निग्गंथे जाव णाइकमइ ॥५१४ ॥ पंचहिं ठाणेहिं इत्थी पुरिलेण सद्धिं असंवसमाणी वि गभं धरेजा तं० इत्थी दुम्वियडा दुन्निसन्ना सुक्कपोग्गले अहिछेजा, सुकपोग्गलसंसितु वा से वत्थे अंतो जोणीए अणुपविसेजा सयं वा सा सुक्पोग्गले अणुपविसेजा परो वा से सुक्कपोग्गले अणुपविसेज्जा सीओदगवियडेण वा से आयममाणीए सुक्कपोग्गले अणुपविसेज्जा, इच्चेएहि पंचहि ठाणेहिं जाव धरेजा, पंचहिं ठाणेहिं इत्थी पुरिसेण सद्धिं संवसमाणी वि गम्भ नो धरेजा तं० अप्पत्तजोवणा अइकंतजोवणा जाइवंझा गेलन्नपुठ्ठा दोमणसिया इच्चेएहिं पंचहि ठाणेहिं इत्थी पुरिसेण सद्धिं संवसमाणी वि गभं नो धरेजा, पंचहिं ठाणेहिं इत्थी पुरिसेण सद्धि संवसमाणी वि गभं नो धरेजा तं० निच्चोउआ अणोउआ वावन्नसोया वाविद्धसोया अणंगपडिसेविणी इच्चेएहिं पंचहिं ठाणेहिं इत्थी पुरिसेण सद्धिं संवसमाणी वि गन्भं नो धरेजा, पंचहिं ठाणेहिं इत्थी पुरिसेण सद्धिं संवसमाणी विगभं नो धरेजा तं० उदुंसि णो णिगाम
