________________
सुत्तागमे
[ ठाणे
विसपरिणयं विसट्टमाणि करेत्तए विसएसे विसट्टयाए नो चेव णं संपत्तीए करिंसु वा करेंति वा करिस्संति वा मंडुक्कजाइआसीविसस्स पुच्छा, पभूणं मंडुक्कजाइआसीविसे भरहप्पमाणमेत्तं बोंदिं विसेणं विसपरिणयं विसट्टमाणिं तं चेव जाव करिस्संति, उरगजाइ आसीविसस्स पुच्छा, पभूणं उरगजाइआसीविसे जंबुद्दीवप्पमाणमेत्तं वोंदिं विसेणं सेसं तं चेव जाव करिस्संति वा । मणुस्सजाइ आसीविसपुच्छा, पभूणं मणुस्सजाइआसीविसे समयक्खेत्तपमाणमेत्तं वोंदिं विसेणं विसपरिणयं विसट्टमाणि करेत्तए विसएसे विसट्टयाए नो चेव णं जाव करिस्संति वा ॥ ४३५ ॥ चउव्विहा वाही प्र० तं वाइए पित्तिए सिंभिए सन्निवाइए, चउव्विहा तिगिच्छा प० तं० विज्जो ओसहाई आउरे परियारए, चत्तारि तिगिच्छगा प० तं० आयतिगिच्छए णाममेगे णो परतिगिच्छए परतिगिच्छए णाममेगे णो आयतिगिच्छए जाव चउभंगो ॥ ४३६ ॥ चत्तारि पुरिसजाया प० तं० वणकरे णाममेगे णो वणपरिमासी, वनपरिमासी णाममेगे णो वणकरे, एगे वणकरेवि वणपरिमासीवि, एगे णो वणकरे णो वणपरिमासी, चत्तारि पुरिसजाया पतं० वणकरे णाममेगे णो वणसारक्खी ४ । चत्तारि पुरिसजाया प० तं० वणकरे णाममेगे णो वणसंरोही ४ ॥ ४३७ ॥ चत्तारि वणा प० तं॰ अंतो सल्ले णाममेगे णो बाहिंसले ४ । एवामेव चत्तारि पुरिसजाया प० तं० अंतो सल्ले णाममेगे णो वाहिँसले ४ । चत्तारि वणा प० तं० अंतो दुठ्ठे णाममेगे णो बाहिंदुठ्ठे, बाहिंदुठे णाममेगे णो अंतो दुठे ४ । एवामेव चत्तारि पुरिसजाया प० तं० अंतो दुठे णाममेगे णो वाहिंदुठे ४ ॥ ४३८ ॥ चत्तारि पुरिसजाया प० तं० सेयंसे णाममेगे सेयंसे, सेयंसे णाममेगे पावसे, पावंसे णाममेगे सेयंसे, पावंसे णाममेगे पावंसे। चत्तारि पुरिसजाया प०त० सेयंसे णाममेगे सेयंसेत्ति सालि - सए सेयंसे णाममेगे पावसेत्ति सालिसए ४ । चत्तारि पुरिसजाया प० तं० सेयंसेत्ति णाममेगे सेयंसेत्ति मण्णइ, सेयंसेत्ति णाममेगे पावसेत्ति मण्णइ ४ । चत्तारि पुरिसजाया प० तं० सेयंसे णाममेगे सेयंसेत्ति सालिसए मन्नइ सेयंसे णाममेगे पावसेत्ति सालिसए मन्नइ ४ ॥ ४३९ ॥ चत्तारि पु० प० तं० आघवइत्ता णाममेगे णो परिभावइत्ता, परिभावइत्ता णाममेगे णो आघवइत्ता ४ । चत्तारि पु० प० तं० आघवइत्ता नाममेगे णो उंछजीवियासंपन्ने, उंछजीवियासंपन्ने णाममेगे णो आघवइत्ता ४ ॥ ४४० ॥ चउन्विहा रुक्खविगुव्वणा प० तं० पवालत्ताए पत्तत्ताए पुष्फत्ताए फलत्ताए ॥४४१॥ चत्तारि वाइसमोसरणा प० तं० किरियाबाई अकिरियावाई अण्णाणियावाई वेणइयावाई, णेरइयाणं चत्तारि वाइसमोसरणा प्० तं० किरियावाई जाव वेणइयावाई, एवममुरकुमाराणवि जाव थणियकुमाराणं, एवं विगलिंदियवज्जं जाव वैमाणि
२४८
