________________
२३४ सुत्तागमे
[ठाणे सलयाभसमाणे । सेलथंभसमाणं माणं अणुप्पविठू जीवे कालं करेइ णेरइएसु उववजइ, एवं जाव तिणिसलयार्थभसमाणं माणं अणुप्पविठू जीवे कालं करेइ देवेसु उववजइ ॥ ३६७ ॥ चत्तारि वत्था प० तं० किमिरागरत्ते कद्दमरागरत्ते खंजणरागरत्ते हलिद्दरागरत्ते एवामेव चउविहे लोभे प० तं० किमिरागरत्तवत्थसमाणे कद्दमरागरत्तवत्थसमाणे खंजणरागरत्तवत्थसमाणे हलिद्दरागरत्तवत्थसमाणे, किमिरागरत्तवत्यसमाण लोभमणुप्पविठे जीवे कालं करेइ नेरइएसु उववज्जइ, तहेव जाव हलिद्दरागरत्नवत्यसमाणं लोभमणुप्पविठे जीवे कालं करेइ देवेसु उववजइ ॥ ३६८ ॥ चउविहे संसारे प० तं० णेरइयसंसारे जाव देवसंसारे, चउन्विहे आउए प० तं० णेरइयआउए जाव देवाउए, चउविहे भवे प० तं० णेरइयभवे जाव देवभवे ॥ ३६९ ॥ चउविहे आहारे प० त० असणे पाणे खाइमे साइमे । चउविहे आहारे प० तं० उवक्खरसंपन्ने, उवक्खडसंपन्ने, सभावसंपन्ने, परिजुसियसंपन्ने ॥ ३७० ॥ चउविहे बंधे प० तं० पगइबंधे ठिइबंधे अणुभाववंधे पएसबंधे, चउबिहे उवक्कमे प० तं० बंधणोवक्कमे उदीरणोवक्कमे उवसमणोवक्कमे विप्परिणामणोवक्कमे, बंधणोवक्कमे चउबिहे प० तं० पगइवंधणोवक्कमे ठिइबंधणोवक्कमे अणुभावबंधणोवक्कमे पएसबंधणोक्कमे, उदीरणोवक्कमे चउव्विहे प० तं० पगइउदीरणोवक्कमे ठिइउदीरणोवक्कमे अणुभागउदीरणोवक्कमे पएसउदीरणोवक्कमे, उवसामणोवक्कमे चउबिहे प० तं० पगइउवसामणोवक्कमे ठिइअणुभावपएसउवसामणोवक्कमे । विपरिणामणोक्कमे चउन्विहे प० तं० पगइठिइअणुभावपएसविपरिणामणोवक्कमे । चउविहे अप्पाबहुए प० तं० पगइअप्पाबहुए ठिइअणुभावपएसअप्पाबहुए; चउबिहे संकमे, पगइसंकमे ठिइअणुभावपएससंकमे । चउविहे निधत्ते प० तं० पगइनिधत्ते, ठिइअणुभावपएसनिधत्ते । चउन्विहं निगाइए प० तं० पगइनिगाइए, ठिइनिगाइए, अणुभावनिगाइए, पएसनिगाइए ॥ ३७१ ॥ चत्तारि एका प० तं० दविए एक्कए माउएक्कए पज्जएएक्कए संगहएकए, चत्तारि कई प० तं० दवियकई माउयकई पज्जवकई संगहकई, चत्तारि सव्वा प० त० णामसव्वए ठवणसव्वए आएससव्वए निरवसेससव्वए ॥ ३७२ ॥ माणुसुत्तरस्स णं पव्वयस्स चउद्दिसि चत्तारि कूडा प० तं० रयणे रयणुच्चए सव्वरयणए रयणसंचए ॥ ३७३ ॥ जंबुद्दीवे २ भरहेरवएसु वासेसु तीयाए उस्सप्पिणीए सुसमसुसमाए समाए चत्तारि सागरोवमकोडाकोडीओ कालो होत्था, जंबुद्दीवे २ भरहेरवए इमीसे ओसप्पिणीए दुसमसुसमाए समाए जहण्णपएणं चत्तारि सागरोवमकोडाकोडीआ कालो होत्था । जंबुद्दीवे दीवे जाव आगमिस्साए उस्सप्पिणीए सुसमसुसमाए समाए
