________________
C
→
•
1
:
}
अ० ३ उ० ३ ]
सुत्तागमे
साइजणया ॥ २३८ ॥ तओ ठाणा णिग्गंथाणं वा णिग्गंथीणं वा अहियाए असुहाए अक्खमाए अणिस्तेयसाए अणाणुगामियत्ताए भवन्ति, तं० कूअणया, कक्करणया अवज्झाणया, तओ ठाणा णिग्गंथाणं वा णिग्गंथीणं वा हियाए सुहाए खमाए णिस्सेयसाए आणुगामियत्ताए भवन्ति, तं० अकूअणया 'अक्क्करणया अणवज्झाणया ॥ २३९ ॥ तओ सल्ला प० तं० मायासले णियाणसले मिच्छादंसणसले ॥ २४० ॥ तिहिं ठाणेहिं समणे णिग्गंथे संखित्तविउलतेउलेस्से भवइ तं० आयावणयाए खंतिखमाए अपाणगेणं तवोक्म्मेण ॥ २४१ ॥ तिमासियं णं भिक्खुपडिमं पडि - वन्नस्स अणगारस्स कप्पंति तओ दत्तीओ भोयणस्स पडिगाहित्तए तओ पाणगस्त, गराइयं भिक्खुपडिमं सम्ममणणुपालेमाणस्स अणगारस्स इमे तओ ठाणा अहियाए असुभाए अखमाए अणिस्तेयसाए अणाणुगामियत्ताए भवंति तं० उम्मायं वा लभेजा, दीहकालियं वा रोयातकं पाउणेज्जा, केवलिपण्णत्ताओ धम्माओ भंसेजा । एगराइयं णं भिक्खुपडिमं सम्ममणुपालेमाणस्स - अणगारस्स तओ ठाणा हियाए सुभाए खमाए णिस्तेयसाए आणुगामियत्ताए भवंति तं० ओहिणाणे वा से समुप्पजेजा मणपज्जवणाणे वा से समुप्पज्जेज्जा, केवलणाणे वा से समुप्पज्जेज्जा ॥ २४२ ॥ जंबुद्दीवे दीवे तओ कम्मभूमीओ प० तं० भरहे, एरवए, महाविदेहे । एवं धायइखंडे दीवे पुरच्छिमद्धे जाव पुक्खर वर- दीवड - पन्चत्थिमद्धे ॥ २४३ ॥ तिविहे दंसणे सम्मदंसणे, मिच्छादंसणे, सम्ममिच्छादंसणे, तिविहा रुई प० तं० सम्मरुई, मिच्छरुई, सम्ममिच्छरुई, तिविहे पओगे प० तं० सम्मप्पओगे, मिच्छप्पओगे, सम्ममिच्छप्पओगे ॥ २४४ ॥ तिविहे ववसाए प० तं० धम्मिए ववसाए अहम्मिए ववसाए, धम्मियाधम्मिए ववसाए, अहवा तिविहे ववसाए, प० तं० पच्चक्खे, पञ्चइए, आणुगामिए, अहवा तिविहे ववसाए प० तं० इहलोइए, परलोइए, इहलोइयपरलोइए, इहलोइए ववसाए तिविहे प० तं० लोइए वेइए सामइए, लोइए वव॒साए तिविहे प० तं॰ अत्थे धम्मे कामे, वेइए ववसाए तिविहे प० तं० रिउव्वेए जजुव्वेए सामवेए, सामइए ववसाए तिविहे प० तं० णाणे दंसणे चरिते ॥ २४५ ॥ तिविहा अत्थजोणी प० तं० सामे दंडे भेए ॥ २४६ ॥ तिविहा पोग्गला प० तं० पओगपरिणया, मीसापरिणया, वीससापरिणया ॥ २४७ ॥ तिपइठ्ठिया परगा प० तं. पुढवीपइठिया आगासपइडिया आयपइंडिया, नेगमसंगहववहाराणं पुढवीपइठिया, उज्जुसुयस्स आगासपइट्ठिया तिन्ह" सद्दणयाणं आयपइट्टिया ॥ २४८ ॥ तिविहे मिच्छत्ते प० तं ० अकिरिया अविणए अण्णाणे, अकिरिया तिविहा प० तं० पओगकिरिया, समुदाणकिरिया अन्नाणकिरिया, पभोगकिरिया तिविहा प०
-
2
२५५
