________________
सुत्तागमे
- [ठाणे
२१० णियंठे सिणाए, तओ णियंठा सण्णणोसण्णोवउत्ता प० तं० वउसे पडिसेवणाकुसीले कसायकुसीले ॥ २०९ ॥ तओ सेहभूमीओ प० तं० उक्कोसा मज्झिमा जहण्णा उक्नोसा छम्मासा मज्झिमा चउमासा, जहन्ना सत्तराइंदिया ॥ २१० ॥ तओ थेरभूमीओ पन्नत्ताओ तं० जाइथेरे सुयथेरे परियायथेरे । सठिवासजाए समणे णिग्गंथे जाइथेरे, ठाणसमवायधरे णं समणे णिग्गंथे सुयथेरे, वीसवासपरियाए णं समणे णिग्गंथे परियायथेरे ॥ २११ ॥ तओ पुरिसजाया प० सुमणे दुम्मणे णोसुमणेणोदुम्मणे, तओ पुरिसजाया प० गंताणामेगे सुमणे भवइ गंताणामेगे दुम्मणे भवइ गंताणामेगे जोसुमणेगोदुम्मणे भवइ, तओ पुरिसजाया प० तं० जामि एगे सुमणे भवइ, जामि एगे दुम्मणे भवइ, जामि एगे जोसुमणेणोदुम्मणे भवइ, एवं जाइस्सामि एगे सुमणे भवइ (३) तओ पुरिसजाया पण्णत्ता तं० अगंताणामेगे सुमणे भवइ (३) तओ पुरिसजाया प० तं० ण जामि एगे सुमणे भवइ (३) तओ पुरिसजाया प० तं० ण जाइस्सामि एगे सुमणे भवइ (३) एवं आगंताणामेगे सुमणे भवइ (३) एमि एगे सुमणे भवइ, एस्सामि एगे सुमणे भवइ (३) एवं एएणं अभिलावेणं गंता य अगंता य आगंता खलु तहा अणागंता । चिट्टित्तमचिट्ठित्ता, णिसिइत्ता चेव नो चेव 1 हंता य अहंता य छिदित्ता खलु तहा अछिंदित्ता, वूइत्ता अबूइत्ता, भासित्ता चेव णो चेव 2 दचा य अदच्चा य, भुंजित्ता खलु तहा अभुंजित्ता, लंभित्ता अलंभित्ता, पिइत्ता चेव - नो चेव 3 सुइत्ता असुइत्ता, जुज्झित्ता खलु तहा अजुज्झित्ता; जइत्ता अजइत्ता य, पराजिणित्ता चेव ना चेव 4 सहा रूवा गंधा, रसा य फासा तहेव ठाणा य; निस्सीलस्स गरहिया, पसत्या पुग सीलवंतस्स 5 एवमेकेके तिन्नितिन्निउ आलावगा भाणियव्वा । सह सुणेत्ताणामेगे सुसणे भवइ (३) एवं सुणेमित्ति ( ३ ) सुणेस्सामित्ति ३ एवं असुणत्ताणामेगे सुमणे भवइ (३) न सुणेमि त्ति ३ न सुणेस्सामित्ति ३ एवं रूवाई गधार रसाई फासाइं इलेके छछ आलावगा भाणियव्वा, एवं १२७ आलावगा भवात ॥ २१२॥ तओ ठाणा णिस्सीलस्स णिव्वयस्स णिग्गुणस्स णिम्मेरस्स णिप्प चक्खाणपोसहोववासस्स गरहिया भवंति तं० अस्सि लोगे गरहिए भवइ उववाए गरहिए भवइ आयाई गरहिया भवइ । तओ ठाणा सुसीलस्स सुव्वयस्स सगुणस्त समेरस्स सपचक्खाणपोसहोववासस्स पसत्था भवंति तं० अस्सि लोगे पसत्य भवइ उववाए पसत्थे भवइ आयाई पसत्था भवइ ॥ २१३ ॥ तिविहा संसारसमा वनगा जीवा प० तं० इत्थी पुरिसा णपुंसगा। तिविहा सव्वजीवा प० तं० सम्माद मिच्छदिछी सम्ममिच्छदिठी य । अहवा तिविहा सव्वजीवा प० तं० पजत्तगा
