Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 260

[गणे
२००
सुत्तागमे उड़े उच्चत्तेणं तिणिपलिओवमाइं परमाउं पालइत्था एवं इमीसे ओसप्पिणीए आगमेस्साए उस्सप्पिणीए । जंबुद्दीवे दीवे देवकुरुउत्तरकुरासु मणुया तिन्नि गाउआई उहूं उच्चत्तेणं प० तिन्निपलिओवमाई परमाउं पालयंति । एवं जाव पुक्खरवरदीवडपचत्यिमद्धे ॥ १९४ ॥ जंबुद्दीवे दीवे भरहेरवएमु वासेसु एगमेगाए ओसप्पिणिउस्सप्पिणीए तओ वंसा उप्पजिसु वा उप्पजति वा उप्पजिस्संति वा तं० अरिहंतवंसे चकवधिवंसे दसारवंसे । एवं जाव पुक्खरवरदीवद्भुपञ्चत्थिमद्धे । जंबुद्दीवे दीवे भरहेरवएनु वासेसु एगमेगाए ओसप्पिणीउस्सप्पिणीए तओ उत्तमपुरिसा उप्पजिमु वा उप्पज्जति वा उप्पजिस्संति वा तं० अरिहंता वा चकवट्टी वा बलदेववासुदेवा । एवं जाव पुक्खरवरदीवड्डपचत्थिमद्धे । तओ अहाउयं पालेंति तं० अरिहंता चक्कवट्टी वलदेववासुदेवा, तओ मज्झिममाउयं पालयति तं० अरिहंता चकवट्टी बलदेववासुदेवा ॥ १९५ ॥ बायरतेऊकाइयाणं उक्कोसेणं तिन्नि राइंदियाई ठिई प० बायरवाउकाइयाणं उक्कोसेणं तिन्निवाससहस्साई ठिई पन्नत्ता ॥ १९६॥ अह भंते सालीणं वीहीणं गोधूमाणं जवाणं जवजवाणं एएसिणं धन्नाणं कोठाउत्ताणं पल्लाउत्ताणं मंचाउत्ताणं मालाउत्ताणं ओलित्तागं लित्ताणं लंछियाणं मुद्दियाणं पिहियाणं केवइयं कालं जोणी संचिठ्ठइ ? गोयमा ! जहन्नेणं अंतोमुहुत्तं उक्कोसेणं तिन्निसंवच्छराइं तेण परं जोणी पमिलायइ पविद्धसइ विद्धंसइ तेण परं बीए अवीए भवइ तेण परं जोणी वोच्छेद प० ॥ १९७ ॥ दोच्चाएणं सकरप्पभाए पुढवीए नेरइयाणं उक्कोसेणं तिन्निसागरावमाई ठिई प० तच्चाएणं वालुयप्पभाए पुढवीए जहन्नेणं णेरइयाणं तिन्निसागरोवमाइं ठिई प० । पंचमाए णं धूमप्पभाए पुढवीए तिन्निनिरयावाससयसहस्सा ५० तिसु णं पुढवीसु णेरइया उसिणं वेयणं पच्चणुभवमाणा विहरंति तं० पढमाए दोच्चाए तच्चाए ॥ १९८ ॥ तओ लोगे समा सपक्खि सपडिदिसिं पतं० अप्पइठाणे णरए जंबुद्दीवे दीवे सव्वट्ठसिद्धे महाविमाणे । तओ लोगे समा सपक्खि सपडिदिसि प० तं० सीमंतएणं णरए समयक्खेत्ते ईसिपब्भारापुढवी ॥ १९९ ॥ तओ समुद्दा पगईए उदगरसेणं प० तं० कालोदे पुक्खरोदे सयंभुरमणे, तओ समुद्दा बहुमच्छकच्छभा इण्णा प० तं० लवणे कालोदे सयंभुरमणे ॥ २००॥ तओ लोगे णिस्सीला णिव्वया णिग्गुणा णिम्मेरा पिच्चक्खाणपोसहोववासा कालमासे कालं किच्चा अहे सत्तमाए पुढवीए अप्पइट्टाणे णरए णेरइयत्ताए उववजति तं० रायाणो मंडलिया जे य महा रंभा कोडंबी। तओ लोए सुसीला सुव्वया सगुणा सम्मेरा सपच्चक्खाणपोसहाववासा कालमासे कालं किच्चा सव्वट्ठसिद्धे महाविमाणे देवत्ताए उववत्तारो भवात तं० रायाणो परिचत्तकामभोगा सेणावई पसत्थारो ॥ २०१॥ बंभलोगलंतएसुण