________________
२०४
सुत्तागमे
[ ठाणे
मणुन्नेणं पीइकारएणं असणपाणखाइमसाइमेणं पडिला भेत्ता भवइ, इच्चेएहिं तिहिं ठाणेहिं जीवा सुहदीहाउअत्ताए कम्मं पगरेंति ॥ १७० ॥ तओ गुत्तीओ पन्नत्ताओ तं० मणगुत्ती, वयगुत्ती, कायगुत्ती, संजयमणुस्साणं तओ गुत्तीओ प० तं० मण, वय, काय० । तओ अगुत्तीओ प० तं० मणअगुत्ती, वयअगुत्ती, कायअगुत्ती, एवं णेरइयाणं जाव० थणियकुमाराणं पंचिंदियतिरिक्खजोणियाणं असंजयमणुस्साणं वाणमंतराणं जोइसियाणं वेमाणियाणं । तओ दंडा प० तं० मणदंडे, वयदंडे, कायदंडे, णेरइयाणं तभी दंडा प० मणदंडे, जाव कायदंडे विगलिंदियवज्जं जाव वेमाणियाणं ॥ १७१ ॥ तिविहा गरिहा प० तं० मणसावेगे गरहइ, वयसावेगे गरहइ, कायसावेगे गरहइ, पावाणं कम्माणं अकरणयाए । अहवा गरहा तिविहा प० तं० दीहंवेगे अद्धं गरहइ, रहस्तं वेगे अद्धं गरहइ, कार्यंवेगे पडिसाहरइ पावाणं कम्माणं अकरणयाए, तिविहे पञ्चक्खाणे प० तं० मणसावेगे पञ्चकखाइ, वयसावेगे पच्चक्खाइ, कायसावेगे पञ्चक्खाइ, एवं जहा गरहा तहा पचक्खाणेवि दो आलावगा भाणियव्वा ॥ १७२ ॥ तओ रुक्खा, प० तं० पत्तोवए, फलोवए, पुप्फोवए, एवामेव तओ पुरिसजाया प० तं० पत्तो वा स्क्खसमाणे, पुप्फो वा स्क्खसमाणे फलो वा रुक्खसमाणे ॥ तओ पुरिसजाया प० तं० णामपुरिसे, दव्वपुरिसे, भावपुरिसे, तओ पुरिसजाया प० तं० णाणपुरिसे, दंसणपुरिसे, चरित्तपुरिसे, तओ पुरिसजाया प० तं० वेदपुरिसे, चिंधपुरिसे, अभिलावपुरिसे ॥ १७३ ॥ तिविहा पुरिसा प० तं० उत्तमपुरिसा, मज्झिमपुरिसा जहन्नपुरिसा, उत्तमपुरिसा तिविहा प० तं० धम्मपुरिसा, भोगपुरिसा, कम्मपुरिसा, धम्मपुरिसा अरिहंता, भोगपुरिसा चकवट्टी, कम्मपुरिसा वासुदेवा, मज्झिमपुरिसा तिविहा- उग्गा भोगा राइण्णा, जहन्नपुरिसा तिविहा, प० तं० दासा, भयगा, भाइलगा ॥ १७४ ॥ तिविहा मच्छा प० तं० अंडया, पोयया, संमुच्छिमा, अंडया मच्छा तिविहा प० तं० इत्थी, पुरिसा, णपुंसगा पोयया मच्छा तिविहा प० तं० इत्थी, पुरिसा, णपुंसगा ॥ १७५ ॥ तिविहा पक्खी प० तं० अंडया, पोयया, संमुच्छिमा, अंडया पक्खी तिविहा प० तं० इत्थी पुरिसा, णपुंसगा, पोयया पक्खी तिविहा प० तं० इत्थी, पुरिसा, णपुंसगा, एवमेएणं अभिलावेणं उरपरिसप्पावि भाणियव्वा, भुजपॅरिसप्पा वि णेयव्वा, एवं चेव ॥ १७६ ॥ तिविहाओ इत्थीओ पन्नत्ताओ तं० तिरिक्खजोणित्थीओ, मणुस्सित्थीओ, देवित्थीओ, तिरिक्खजोणित्थीओ तिविहाओ प० तं० जलचरीओ, थलचरीओ, खहचरीओ, मणुस्सित्थीओ तिविहाओ पण्णत्ताओ, तं० कम्मभूमियाओ, अकम्मभूमियाओ, अंतरदीवियाओ ॥ १७७ ॥ तिविहा पुरिसा तिरिक्खजोणियपुरिसा,
