________________
सुत्तागमे
भ० २ उ० ४]
२०१ भगवया महावीरेणं समणाणं णिग्गंथाणं णो णिचं वण्णियाइं कित्तियाइं णो णिचं वुझ्याई णो णिचं पसत्थाई णो णिचं अव्भणुन्नायाइं भवंति तं० वलयमरणे चेव, वसट्टमरणे चेव, एवं णियाणमरणे चेव, तन्भवमरणे चेव, गिरिपडणे चेव, तरुपडणे चेव, जलप्पवेसे चेव, जलणप्पवेसे चेव, विसभक्खणे चेव, सत्थोवाडणे चेव, दोमरणाइं जाव णो णिचं अब्भणुन्नायाई भवंति, कारणेणं पुण अप्पडिकुठ्ठाइं तंजहावेहाणसे चेव गिद्धपिठे चेव ॥ १४९ ॥ दोमरणाइं समणेणं भगवया महावीरेणं समणाणं णिग्गंथाणं णिचं वणियाइं जाव अब्भगुन्नायाइं भवंति तं०पाओवगमणे चेव भत्तपच्चक्खाणे चेव, पाओवगमणे दुविहे प० तं० णीहारिमे चेव अणीहारिमे चेव, णियम अप्पडिक्कमे, भत्तपञ्चक्खाणे दुविहे प० तं० णीहारिमे चेव, अणीहा रिमे चेव, णियमं सप्पडिक्कमे ॥ १५० ॥ के अयं लोए ? जीवच्चेव अजीवच्चेव, के अणंतालोए? जीवच्चेव अजीवच्चेव, के सासया लोए ? जीवच्चेव अजीवच्छेव ॥ १५१॥ दुविहा वोही, णाणवोही चेव, दंसणवोही चेव । दुविहा बुद्धा-णाणवुद्धा चेव दसणवुद्धा चेव, एवं मोहे मूढा ॥ १५२ ॥ णाणावरणिज्जे कम्मे दुविहे पन्नत्ते तं० देसणाणावरणिज्जे चेव, सव्वणाणावरणिज्ने चेव, दंसणावरणिज्ने कम्मे एवं चेव वेयणिज्जे कम्मे दुविहे प० तं० सायावेयणिजे चेव असायावेयणिज्जे चेव मोहणिज्जे कम्मे दुविहे प० तं० दंसणमोहणिजे चेव चरित्तमोहणिजे चेव, आउकम्मे दुविहे प० तं० अद्धाउए चेव, भवाउए चेव, णामकम्मे दुविहे प० तं० सुभणामे चेव असुभणामे चेव, गोत्तकम्मे दुविहे प० तं० उच्चागोए चेव णीयागोए चेव, अंतराइएकम्मे दुविहे प० तं० पडुप्पण्णविणासिए चेव पिहियआगामिपहं ॥ १५३ ॥ दुविहा मुच्छा प० तं० पेजवत्तिया चेव, दोसवत्तिया चेव, पेजवत्तियामुच्छा दुविहा प० तं० माए चेव लोहे चेव, दोसवत्तियामुच्छा दुविहा प० तं० कोहे चेव माणे चेव ॥ १५४ ॥ दुविहा आराहणा प० तं० धम्मियाराहणा चेव केवलिआराहणा चेव, धम्मियाराहणा दुविहा प० तं० सुयधम्माराहणा चेव चरित्तधम्माराहणा चेव, केवलिआराहणा दुविहा प० तं० अंतकिरिया चेव कप्पविमाणोववत्तिया चेव ॥ १५५ ॥ दोतित्थयरा नीलुप्पलसमावन्नेणं प० तं० मुणिसुव्वए चेव, अरिठ्ठणेमी चेव, दोतित्थयरा पियंगुसमावन्नणं प० तं० मल्ली चेव पासे चेव, दोतित्थयरा पउमगोरा वण्णेणं, प० तं० पउमप्पहे चेव, वासुपुज्जे चेव, दोतित्थयरा चंदगोरा वण्णेणं प० तं० चंदप्पभे चेव पुप्फदंते चेव ॥ १५६ ॥ सच्चप्पवायपुव्वस्सणं दुवे वत्थू पन्नत्ता, पुत्वभवयानक्खत्ते दुतारे प० उत्तरभद्दवयानक्खत्ते दुतारे प०-एवं पुव्वफग्गुणी, उत्तरफग्गुणी ॥ १५७ ॥ अंतोणं मणुस्सखेत्तस्स दो
