________________
१९४
सुत्तागमे
ठाणे
पलिओवमछिइया परिवसंति, तंजहा-गरुले चेव वेणुदेवे अणाढिए चेव जंबूदीवाहिवई ॥ १२६ ॥ जंवूमंदरस्स पव्वयस्स उत्तरदाहिणेणं दोवासहरपव्वया, वहुसमउल्ला, अविसेसमणाणत्ता, अन्नमन्नं नाइवदंति, आयामविक्खंभुच्चत्तोव्वेहसंठाणपरिणाहेणं, तंजहा- चुल्लहिमवंते चेव सिहरी चेव एवं महाहिमवंते चेव, रुप्पी चेव, एवं णिसढे चेव, गीलवंते चेव ॥ १२७ ॥ जंवूमंदरस्स पव्वयस्स उत्तरदाहिणेणं हेमवएरन्नवएसु वासेसु दोवट्टवेयवपव्वया, वहुसमउल्ला, अविसेसमणाणत्ता जाव सद्दावाई चेव वियडावाई चेव, तत्थणं दो देवा महिड्डिया जाव पलिओवमछिइया परिवसंति, तंजहा-साई चेव पभासे चेव ॥ १२८ ॥ जंबूमंदरस्स उत्तरदाहिणेणं हरिवासरम्मएसु वासेसु दोवट्टवेयड्डपव्वया, बहुसमउल्ला, जाव गंधावाई चेव, मालवंतपरियाए चेव, तत्थणं दोदेवा महिड्डिया, जाव पलिओवमठिझ्या परिवसंति, तंजहा-अरुणे चेव, पउमे चेव ॥१२९॥ जंवूमंदरस्स पव्वयस्स दाहिणेणं देवकुराए पुव्वावरे पासे, एत्थणं आसक्खंधगसरिसा, अद्धचंदसंठाणसंठिया दोवक्खारपव्वया, वहुसमउल्ला जाव, सोमणसे चेव विज्जुप्पभे चेव, जंवूमंदरस्स उत्तरेणं उत्तरकुराए पुव्वावरे पासे एत्थणं आसक्खंधगसरिसा अद्धचंदसंठाणसंठिया दो वक्खारपव्वया प० तं० बहु० जाव, गंधमायणे चेव, मालवंते चेव ॥ . जंवूमंदरस्स पव्वयस्स उत्तरदाहिणे] दोदीहवेयड्डपव्वया, वहुसमउल्ला जाव भारहे चेव दीहवेयड्ढे एरावए चेव दीहवेयड्ढे, भारहेणं दीहवेयड्ढे दोगुहाओ, वहुसमउल्लाओ अविसेसमणाणत्ताओ अन्नमन्न णाइवटंति आयामविक्खंभुच्चत्तसंठाणपरिणाहेणं, तंजहा-तिमिसगुहा चेव, खंडगप्पवायगुहा चेव, तत्थणं दोदेवा महिड्डिया, जाव पलिओवमठिइया परिवसंति, तंजहा-कयमालए चेव, णट्टमालए चेव, एरावएणं दीहवेयड्ढे दोगुहा, जाव कयमाल. ए चेव णट्टमालए चेव ॥ १३० ॥ जंवूमंदरस्स पव्वयस्स दाहिणेणं चुलहिमवत वासहरपव्वए दोकूडा, बहुसमउल्ला, जाव विक्खंभुच्चत्तसंठाणपरिणाहेणं, तंजहाचुल्लहिमवंतकूडे चेव वेसमणकूडे चेव, जंवूमंदरस्स दाहिणेणं महाहिमवंते वासहरपव्वए दोकूडा, बहुसमउल्ला जाव महाहिमवतकूडे चेव, वेरुलियकूडे चेव, एव निसढे वासहरपव्वए दोकूडा, वहुसमउल्ला जाव० निसढकूडे चेव, रुयगप्प चव, जंवूमंदरस्स उत्तरेणं नीलवंते वासहरपव्वए दोकूडा, बहुसमउल्ला जाव० नीलवतकूडे चेच, उवदंसणकूडे चेव, एवं रुप्पिम्मि वासहरपव्वए दोकूडा, बहुसमउल्ला जाव० तंजहा रुप्पिकूडे चेव, मणिकंचणकूडे चेव, एवं सिहरिम्मि वि वासहरपव्वए दोकूडा, बहुसमउल्ला तंजहा-सिहरिकूडे चेव, तिगिच्छिकूडे चेव ॥ १३१॥ जंवूमंदरस्स उत्तरदाहिणेणं चुलहिमवंतसिहरीसु वासहरपव्वएसु दो महद्दहा, बहुसम
