Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 236

१८४
सुत्तागमे
[ ठाणे
पाणाइवाए जाव एगे परिग्गहे ॥ एगे कोहे जाव लोहे, एगे पेजे, एगे दोसे, जाव एगे परपरिवार, एगा अरइरइ, एगे मायामोसे एगे मिच्छादंसणसले ॥ ६५ ॥ एगे पाणाइवायवेरमणे जाव परिग्गहवेरमणे, एगे कोहविवेगे, जाव मिच्छादंसणसल्लविवेगे ॥ ६६ ॥ एगा ओसप्पिणी एगा सुसमसुसमा जाव एगा दुसमदुसमा, एगा उस्सप्पिणी, एगा दुसमदुसमा जाव एगा सुसमसुसमा ॥ ६७ ॥ एगा णेरइयाणं वग्गणा, एंगा असुरकुमाराणं वग्गणा, चउवीसदंडओ जाव एगा वेमाणियाणं वग्गणा ॥ ६८ ॥ एगा भवसिद्धियाणं वग्गणा, एगा अभवसिद्धियाणं वग्गणा, एगा भवसिद्धियाणं णेरइयाणं वग्गणा, एगा अभवसिद्धियाणं णेरइयाणं वग्गणा, एवं जाव एगा भवसिद्धियाणं वेमाणियाणं वग्गणा एगा अभवसिद्धियागं वैमाणियाणं वग्गणा ॥ ६९ ॥ एगा सम्मदिठ्ठियाणं वग्गणा, एगा मिच्छदिट्ठियाणं वग्गणा, एगा सम्म - मिच्छदिट्ठियाणं वग्गणा, एगा सम्मदिठियाणं णेरइयाणं वग्गणा, एगा मिच्छदिठियाणं णेरइयाणं वग्गणा, एगा सम्ममिच्छादिठ्ठियाणं नेरइयाणं वग्गणा, एवं जाव थणियकुमाराणं, एगा मिच्छदिठियाणं पुढवीकाइयाणं वग्गणा, एवं जाव वणस्स - काइयाणं, एगासम्मदिठ्ठियाणं बेइंदियाणं वग्गणा, एगा मिच्छदिठ्ठियाणं बेइंदियाणं वग्गणा, एवं तेइंदियाणं चउरिंदियाणं वि सेसा जहा नेरइयो, जाव एगा सम्म - मिच्छदिठियाणं वेमाणियाणं वग्गणा ॥ ७० ॥ एगा कण्हपक्खियाणं वग्गणा, एगा सुक्कपक्खियाणं वग्गणा, एगा कण्हपक्खियाणं नेरइयाणं वग्गणा, एगा सुक्कपक्खियाणं णेरइयाणं वग्गणा, एवं चउवीसदंडओवि भाणियव्वो ॥ ७१ ॥ एगा कण्हलेस्साणं वग्गणा, एगा णीललेस्साणं वग्गणा, एवं जाव सुक्कलेस्साणं वग्गणा, एगा कण्हलेस्साणं नेरइयाणं वग्गणा, जाव काउलेस्साणं नेरइयाणं वग्गणा, एवं जस्स जति लेस्साओ, भवणवइवाणमंतरपुढविआउवणस्सइकाइयाणं च चत्तारि लेस्साओ तेऊवाउर्वेदियतेइंदियचउरिंदियाणं तिन्निलेस्साओ पंचिंदियतिरिक्खजोणियाणं मणुस्साणं छल्लेस्साओ, जोइसियाणं एगा तेउलेस्सा, वेमाणियाणं तिन्निज्वरिमलेस्साओ एगा कण्हलेस्साणं भवसिद्धियाणं वग्गणा, एगा कण्हलेस्सागं अभवसिद्धियागं वग्गणा, एवं छसु वि लेस्सासु दो दो पयाणि भाणियव्वाणि, एगा कण्हलेस्साणं भवसिद्धियाणं नेरइयाणं वग्गणा, एगा कण्हलेस्साणं अभवसिद्धियाणं नेरइयांणं वग्गणा, एवं जस्स जति लेस्साओ तस्स तति भाणियव्वाओ, जाव वेमाणियाणं । एगा कण्हलेस्सागं समदिट्ठिीयागं वग्गणा, एगा कण्हलेस्साणं मिच्छादिठ्ठियाणं वग्गणा, एगा कण्हलेस्साणं सम्ममिच्छदिठ्ठियाणं वग्गणा, एवं छसु वि लेस्सासु जाव वेमाणियाणं जेसिं जइ दिडीओ; एगा कण्हलेस्साणं कण्हपंक्खियाणं वग्गणा, एगा कण्हलेस्साणं सुक्कपक्खियाणं
1