________________
२ सु० अ०१]
सुत्तागमे (रायवण्णओ जहा ओववाइए,) जाच पसंतडिम्बडमरं रजं पसाहेमाणे विहरइ । तस्स णं रन्नो परिसा भवइ उग्गा उग्गपुत्ता भोगा भोगपुत्ता इक्खागाइ इक्खागाइपुत्ता नाया नायपुत्ता कोरव्वा कोरव्वपुत्ता भट्टा भट्टपुत्ता माहणा माहणपुत्ता लेच्छा लेच्छइपुत्ता पसत्यारो पसत्थपुत्ता सेणावई सेणावइपुत्ता । तेसि च णं एगइए सही भवइ कामं तं समणा वा महिणा वा संपहारिंसु गमणाए । तत्थ अन्नयरेणं धम्मेणं पन्नत्तारो वयं इमेणं धम्मेणं पनवइस्सामो से एवमायाणह भयंतारो जहा मए एस धम्मे सुयक्खाए सुपन्नत्ते भवइ । तं जहा-उर्दू पायतला अहे केसरगमत्थया तिरियं तयपरियंते. जीवे एस आयापजवे कसिणे एस जीवे जीवइ, एस मए नो जीवइ, सरीरे धरमाणे धरइ विणम्मि य नो धरइ । एयं तं जीवियं भवइ, आदहणाए परेहिं निजइ, अगणिझामिए सरीरे कवोयवण्णाणि अट्ठीणि भवंति, आसंदीपञ्चमा पुरिसा गामं पञ्चागच्छंति, एवं असंते असंविजमाणे । जेसिं तं असंते असंविजमाणे तेसिं तं सुयक्खायं भवइ-अन्नो भवइ जीवो अन्नं सरीरं, तम्हा ते एवं नो विपडिवेदेति-अयमाउसो आया दीहे त्ति वा हस्से त्ति वा परिमण्डले त्ति वा वट्टे त्ति वा तंसे त्ति वा चउरंसे त्ति वा आयए त्ति वा छलंसिए त्ति वा अटुंसे त्ति वा किण्हे त्ति वा नीले त्ति वा लोहियहालिद्दे त्ति वा सुकिल्ले त्ति वा सुब्भिगंधे त्ति वा दुन्भिगंधे त्ति वा तित्ते त्ति वा कडुए त्ति वा कसाए त्ति वा अम्बिले त्ति वा महुरे त्ति वा कक्खडे त्ति वा मउए त्ति वा गुरुए त्ति वा लहुए त्ति वा सीए त्ति वा उसिणे. त्ति वा निद्धे त्ति वा लुक्खे ति वा । एवं असंते असंविजमाणे । जेसिं तं सुयक्खायं भवइ-अन्नो जीवो अन्नं सरीरं, तम्हां ते नो एवं उवलभंति । से जहानामए-केइ पुरिसे कोसीओ असिं अभिनिव्वट्टित्ता णं उवदंसेज्जा अयमाउसो असी अयं कोसी, एवमेव नत्यि केइ पुरिसे अभिनिव्वट्टित्ता णं उवदंसेत्तारो अयमाउसो आया इयं सरीरं । से जहानामए केइ पुरिसे मुञ्जाओ इसियं अभिनिव्वट्टित्ताण उवदंसेज्जा अयमाउसो मुझे इयं इसियं, एवमेव नत्थि केइ पुरिसे उवदंसेत्तारो अयमाउसो आया इयं सरीरं । से जहानामए-केइ पुरिसे मंसाओ अढेि अभिनिव्वट्टित्ता णं उवदंसेजा अयमाउसो मंसे अयं अट्ठी, एवमेव नत्यि केइ पुरिसे उवदंसेत्तारो अयमाउसो आया इयं सरीरं । से जहानामए केइ पुरिसे करयलाओ आमलकं अभिनिव्वट्टित्ता णं उचदंसेज्जा अयमाउसो करयले अयं आमलए, एवमेव नत्थि केइ पुरिसे उवदंसेत्तारो अयमाउसो आया इयं सरीरं । से जहानामए-केइ पुरिसे दहीओ नवपीय अभिनिव्वट्टित्ता णं उवदंसेज्जा अयमाउसो नवणीयं अयं तु दही, एवमेव नत्यि केइ पुरिसे जाव सरीरं । से जहानामए-केइ पुरिसे तिलहितो तेलं अभिनिव्वट्टित्ता णं उवदंसेवा
