________________
२ सु० अ० १३] सुत्तागमे चगं अन्नयरेणं सत्थजाएणं अच्छिदिन वा विच्छिदिज वा प० नो तं० २। सिया से परो कायंसि वणं अन्न सत्थजाएणं आच्छिदित्ता वा विच्छिदित्ता वा पूर्व वा सोणियं वा नीहरिज वा वि० नो तं० २। सिया से परो कार्यसि गंडं वा, अरइं वा, पुलइयं चा, भगंदलं वा, आमज्जेज वा, पमज्जेज वा, णो तं सायए णो तं नियमे । सिया से परो कार्यसि गंडं वा, अरइयं वा, पुलइयं वा, भगंदलं वा, संवाहेज वा पलिमद्देन वा, णोतं सायए णोतं नियमे, सिया से परो कार्यसि गंडं, वा जाव भगंदलं वा, तेल्लेण वा घएण वा मक्खेज वा अभिगेज वा णो तं सायए णोतं नियमे । सिया से कार्यसि गंडं वा जाव भगंदलं वा, लोद्देण वा, कक्रेण वा चुन्नेण वा, वण्णेण वा उल्लोडिज्ज वा, उव्वलेज वा, णो तं सायए णो तं नियमे । सिया से परो कायंसि गंडं वा भगंदलं वा, सीओदगवियडेण वा, उसिणोदगवियडेण वा, उच्छो. लेज वा, पधोवेज वा, णो तं सायए, णो तं नियमे, सिया से परो कार्यसि गंडं वा जाव भगंदलं वा अण्णयरेणं सत्यजाएणं अच्छिदेज विच्छिदेज वा, सिया से परो अण्णयरेणं सत्थजाएणं अच्छिदित्ता वा २ पूयं वा सोणियं वा णीहरेज वा णो तं सायए णो तं नियमे ॥९७३॥ सिया से परो कायाओ सेयं वा जलं वा णीहरेज वा विसोहेज वा णो तं सायए णो तं नियमे ॥९७४॥ सिया से परो अच्छिमलं, कण्णमलं वा, दंतमलं वा णहमलं वा, णीहरिज वा विसोहिज वा णो तं सायए णो तं नियमे ॥९७५॥ सिया से परो दीहाइं वालाइं, दीहाइं रोमाइं, दीहाई भमुहाई, दीहाइं कक्खरोमाइं, दीहाई वत्थिरोमाइं, कप्पेज वा संठवेज वा णो तं सायए णो तं नियमे ॥९७६॥ सिया से परो सीसाओ लिक्खं वा जूयं वा णीहरेज वा विसोहेज वा णोतं सायए णो तं नियमे ॥ ९७७ ॥ सिया से परो अंक्रसि पलियंकंसि वा तुयट्टावित्ता पादाई आमजिज वा पमजिज्ज वा एवं हिछिमो गमो पायादि भाणियव्वो, सिया से परो अंकंसि वा पलियंकंसि वा तुयट्टावित्ता, हारं वा अद्धहारं वा उरत्थं वा, गेवेयं वा, मउडं वा, पालंबं वा सुवण्णसुत्तं वा, आविहिज वा, पिणहिज वा णों तं सायए णो तं नियमे ॥ ९७८ ॥ सिया से परो आरामंसि वा, उज्जाणंसि वा, णीहरित्ता वा पविसित्ता वा पायाइं आमजेज वा पमजेज वा, णो तं सायए णो त नियमे ॥ ९७९ ॥ एवं णेयव्वा अण्णमण्णकिरियावि ॥ ९८० ॥ सिया से परो सुद्धणं वइवलेणं तेइच्छं आउट्टे सिया से परो असुद्धणं वतिवलेणं तेइच्छ आउट्टे, सिया से परो गिलाणस्स सचित्ताणि कंदाणि वा मूलाणि वा तयाणि वा हरियाणि वा खणित्तु वा कढित्तु वा कट्ठावित्तु वा तेइच्छं आउट्टाविजा णो तं सायए णा त नियमे ॥ ९८१ ॥ कडुवेयणा पाणभूयजीवसत्ता वेयणं वेइंति ॥ ९८२ ॥
