Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1166

११.१४
सुत्तागमे [णायाधम्मकहाओ भगवंतो अन्नया कया-इ पुंडरी)रिगिणीओ नयरीओ नलि(णी)णिवणाओ उज्जाणाओ पडि-निक्खमंति २ त्ता बहिया जणवयविहारं विहरंति ॥ १४५ ॥ तए णं तस्स कंडरीयस्स अणगारस्स तेहिं अंतेहि य पंतेहि य जहा सेलगस्स जाव दाहवनं. तीए यावि विहरइ । तए णं थेरा अन्नया कया(ई)इ जेणेव पोंडरिगिणी तेणेव उवागच्छ(इ)न्ति २ त्ता नलि(णि)णीवणे समोसढा । पुं-डरीए निग्गए धम्म सुणेइ । तए णं पुंडरीए राया धम्म सोचा जेणेव कंडरीए अणगारे तेणेव उवागच्छइ २ त्ता कंडरीयं वंदइ नमसइ वं० २ त्ता कंडरीयस्स अणगारस्स सरीरगं सव्वाबाहं सरो(योगं पासइ २ त्ता जेणेव थेरा भगवंतो तेणेव उवागच्छइ २ त्ता थेरे भगवंते वंदइ नमसइ वं० २ त्ता एवं वयासी-अहण्णं भंते । कंडरीयस्स अणगारस्स अहापवत्तहिं ओसहमेसज्जेहिं जाव तिगि(तेइ)च्छं आ(उ)उंटामि, तं तुम्भे णं भंते ! मम जाणसालासु समोसरह । तए णं थेरा भगवंतो पुंडरीयस्स पडिसुणेति (०) जाव उवसंपजित्ताणं विहरति । तए णं पुंडरीए (राया) जहा मंडुए सेलगस्स जाव बलियसरीरे जाए । तए णं थेरा भगवंतो पुं-डरीयं रायं [आ]पुच्छंति २ त्ता वहिया जणवयविहारं विहरंति । तए णं से कंडरीए ताओ रोयायंकाओ विप्पमुक्के समाणे तंसि मणु-न्नंसि असण. पाणखाइमसाइमंसि मुच्छिए गिद्धे गढिए अज्झोवव-न्ने नो संचाएइपुंडरीयं आपुच्छित्ता वहिया अव्भुजएणं (जणवयविहारं) जाव विहरित्तए तत्थेव ओस-ने जाए। तए णं से पुं-डरीए इमीसे कहाए लढे समाणे हाए अंतेउरपरियालसंपरिचुडे जेणेव कंडरीए अणगारे तेणेव उवागच्छइ २ त्ता कंडरीयं तिक्खुत्तो आयाहि(ण)णपयाहिणं करेइ २ त्ता वंदइ नमसइ वं० २ त्ता एवं वयासी-धन्नेसि णं तुम देवाणुप्पिया ! कयत्थे कयपु-ण्णे कयलक्खणे, सुलद्धे णं देवाणुप्पिया ! तव माणुस्सए जम्मजीवियफले जे णं तुमं रजं च जाव अंतेउरं च [वि] छ(ड्डइ)हेत्ता विगोवइत्ता जाव पव्वइए, अहण्णं अह-ने [अपुण्णे] अकयपु-ण्णे रजे [य] जाव अंतेउरे य माणुस्सएसु य कामभोगेसु मुच्छिए जाव अज्झोववन्ने नो सचाएमि जाव पव्वइत्तए, तं धन्नेसि णं तुमं देवाणुप्पिया। जाव जीवियफले । तए णं से कंडरीए अणगारे पुंडरीयस्स एयमद्वं नो आढाइ जाव संचिठ्ठइ । तए णं से कंडरीए पोडरीएणं दोच्चंपि तच्चंपि एवं वुत्ते समाणे अकामए अव(स)सवसे लजाए गारवेण य पुं-डरीयं (रायं) आपुच्छइ २ त्ता थेरेहिं सद्धिं वहिया जणवयविहारं विहरइ । तए णं से कंडरीए थेरेहि सद्धिं कं(कि)चि कालं उग्गंउग्गेणं विह(रति) रित्ता तओ पच्छा समणत्तणपरितंते समणत्तण-निव्वि(प)णे समणत्तण-निव्भ(त्थि)च्छिए समणगुणमुक्कजोगी थेराणं अंतियाओ सणियं २ पच्चोसक्कइ २ त्ता जेणेव पुंडरिगिणी