Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1143

सु० म०१६] सुत्तागमे
१०९१ कोथुवियपुरिसा जाव पञ्चप्पिणति । तए णं से पंडू-राया दोवईए देवीए कत्थइ सुई वा जाव अलभमाणे कोंती देवी सद्दावेइ २ त्ता एवं वयासी-गच्छह णं तुमं देवाणुप्पि-या! बारवई नयरिं कण्हस्स वासुदेवस्स एयमढे निवेदेहि । कण्हे णं परं वासुदेवे दोवईए (देवीए) मग्गणगवेसणं करेजा अन्नहा न नजइ दोवईए देवीए सु(ती)ई वा खु(ती)ई वा पव(त्ती)त्तिं वा उवलभेजा। तए णं सा कोंती देवी पंड(रण)णा एवं वुत्ता समाणी जाव पडिसुणेइ २ त्ता हाया हत्यिखंधवरगया हथिणा(उ)पुरं नयरं मज्झमझेगं निग्गच्छइ २ त्ता कुरुजणवयं मज्झमज्झेणं जेणेव सुर(छोटाजणवए जेणेव बारवई नयरी जेणेव अग्गुजाणे तेणेव उवागच्छइ २ त्ता हत्थिखंधाओ पञ्चोरुहइ २ ता कोडंबियपुरिसे सद्दावेइ २ त्ता एवं वयासी-गच्छह णं तुम्भे देवाणुप्पिया ! जेणेव (बारवई ण०) बारवई नयरिं अणुपविसह २ त्ता कण्हं वासुदेवं करयल[0] एवं वयह-एवं खलु सामी ! तुभं पिउच्छा कोंती देवी हत्थिणाउराओ नयराओ इ-हं हव्वमागया तुभ दसणं कंखइ । तए णं ते कोडुबियपुरिसा जाव कहेंति । तए णं कण्हे वासुदेवे कोडुवियपुरिसाणं अंतिए [एयमह] सोचा निसम्म [हतुट्टे] हत्थिखंधवरगए हयगय[.] वारवईए (य)नयरीए मज्झंमज्झेणं जेणेव कोंती
देवी तेणेव उपागच्छइ २ त्ता हत्थिखंधाओ पच्चोरुहइ २ त्ता कोंतीए देवीए पायग्गहणं करेइ २ ता कोंतीए देवीए सद्धिं हत्थिखधं दुरूहइ २ त्ता वारव(तीए)इं नय(रीए)रि मज्झंमज्झेणं जेणेव सए गिहे तेणेव उवागच्छइ २ त्ता सयं गिह अणु८-पविसइ । तए णं से कण्हे वासुदेव कों(ती)तिं देविं हायं जिमियभुत्तत्तरागयं जाव सुहासणवरगयं एवं वयासी-संदिसउ णं पिउच्छा ! किमागमणपओयणं (१)। तए णं सा कोंती देवी कण्हं वासुदेवं एवं वयासी-एवं खलु पुत्ता! हथिणाउरे नयरे जुहिहिलस्स रन्नो] आगासत(ले)लए सुह[]पसुत्तस्स पासाओ दोवई देवी न नजइ केणइ अवहिया जाव अवक्खित्ता वा, तं इच्छामि णं पुत्ता ! दोवईए देवीए मग्गणगवेसणं कयं । तए णं से कण्हे वासुदेवे कों(ति)तीपिउच्छि एवं वयासी-जं नवरं पिउच्छा (1) दोवईए देवीए कत्थइ सुई वा जाव लभासि तो णं अहं पायालाओ वा भवणाओ वा अद्धभरहाओ वा समंतओ दोवई [देविं] साहत्थि उवणेमि-त्तिकट्ट कों(ती)तीपिउ(स्थि)च्छि सकारेइ सम्माणेइ जाव पडिविसजेइ । तएणं सा कोंती देवी कण्हेणं वासुदेवेणं पडिविसजिया समाणी जामेव दिसि पाउन्भूया तामेव दिसिं पडिगया। तए णं से कण्हे वासुदेवे कोडुंबियपुरिसे सद्दावेइ २ त्ता एवं वयासीगच्छह णं तुम्मे देवाणुप्पिया! बारवई नयरिं एवं जहा पंडू तहा घोसणं घोसावेइ जाव पञ्चप्पिणंति पंडुस्स जहा । तए णं से कण्हे वासुदेवे अन्नया अंतोअंते