Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1064

१०१२
सुत्तागमे
[णायाधम्मकहाओ
उजाणे थेरा समोसढा । परिसा निग्गया। (महव्वलोवि राया निग्गओ धम्मो कहिओ) महब्बले णं धम्मं सोचा जं नवरं ( देवाणुप्पिया!) छप्पियवालवयंसए आपुच्छामि वलभदं च कुमारं रज ठावेमि जाव छप्पियवालवयंसए आपुच्छड् । तए णं ते छप्पिय० महब्बलं रायं एवं वयासी-जइ णं देवाणुप्पिया! तुम्भे पन्वयह अम्हं के अन्ने आहारे वा जाव पव्वयामो। तए णं से महव्वले राया ते छप्पिय० एवं वयासी-जइ णं (देवाणुप्पिया !) तुझे मए सद्धिं जाव पव्वयह तो. णं गच्छह जेटे पुत्ते सएहिं २ रजेहि ठावेह पुरिससहस्सवाहिणीओ सीयाओ दुरूढा जाव पाउब्भवंति । तए णं से महब्बले राया छप्पियवालवयंसए पाउन्भूए पासइ २ त्ता हट्ट जाव कोडवियपुरिसे (सदावेइ २ त्ता एवं वयासी-गच्छह णं तुम्मे देवाणुप्पिया ! वलभद्दस्स कुमारस्स जाव तेवि तहेव जाव अभिसिंचइ०, तए णं से महब्बले वलभदं० आपुच्छड)० वलभद्दस्स रायाभिसेओ जाव आपुच्छइ । तए णं से महब्बले जाव महया इड्डीए (छ० स०) पव्वइए एकारस(गाई०)गवी वहहिं चउत्थ जाव भावेमाणे विहरइ । तए णं तेसिं महब्बलपामोक्खाणं सत्तण्हं अणगाराणं अन्नया कयाइ एगयओ सहियाणं इमेयालवे मिहो-कहासमुल्लावे समुप्पज्जित्थाजणं अम्हं देवाणुप्पिया ! ए(ग)गे तवोकम्मं उपसंपजित्ताणं विहरइ तं णं अम्हेहिं सव्वेहिं (सद्धि) तवोकम्म उवसंपजित्ताणं विहरित्तए-त्तिक? अन्नमन्नस्स एयमहें पडिसुणेति २ त्ता वहूहिं चउत्थ जाव विहरति । तए णं से महब्बले अणगारे इमेणं कारणेणं इत्थिनासगोयं कम्मं निव्वत्तेसु-जइ णं ते महब्बलवज्जा छ अणगारा चउत्थं उवसंपज्जित्ताणं विहरंति तओ से महव्वले अणगारे छठें उवसंपजित्ताण विहरड् । जइ णं ते महब्बलवजा [छ] अणगारा छठें उवसंपजित्ताणं विहरंति तओ से महव्वले अणगारे अट्ठमं उवसंपजित्ताणं विहरइ । एवं [अह] अट्ठमं तो दसमं अह दसमं तो दुवाल(सं)समं । इमेहि य णं वीसाएहि य कारणेहि आसेवियवहुलीकएहिं तित्थयरनामगोयं कम्मं निव्वत्तिंसु तंजहा-अरहंतसिद्धपवयणगुस्थेरवहुस्सुए तवस्सीसुं । वच्छल्लया य तेसिं अभिक्ख नाणोवओ(गे)गा य ॥ १॥ दंसणविणए आवस्सए य सीलव्वए निरइया(रं)रो। खणलवतव (चि)चियाए वेयावच्चे समाही य ॥२॥ अ(८)पुव्वनाणगणे सुयभत्ती पवयणे प(भा)हावणया । एएहिं कारणेहिं तित्थयरत्तं लहइ (जीओ) सो उ ॥ ३ ॥ तए णं ते महव्वलपामोक्खा सत्त अणगारा मासियं भिक्खुपडिमं उवसंपजित्ताणं विहरंति जाव एगराइयं (मि० उव०)। तए णं ते महब्बलपामोक्खा सत्त अणगारा खुड्डागं सीहनिकीलियं तवोकम्मं उवसंपजित्ताणं विहरंति तजहा-चउत्थं करेंति २ त्ता सव्वकामगुणियं पारेंति २ त्ता