Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1055

सु० १ ० ५] सुत्तागमे
१००३ सद्धिं सेलगपुरमणुप्पविसइ २ त्ता जेणेव मंडुयस्स जाणसाला तेणेव उवागच्छइ २त्ता फाय पीढ जाव विहरड। तए णं से मंडुए (राया) ति(चि)गिच्छिए सद्दावेइ २ त्ता एवं वयासी-नुत्भे गं देवाणुप्पिया ! सेलगस्स फासुएसणिजेणं जाव ति(ते)गिच्छं आ(उद्दे)उंटेह । तए णं तिगिच्छया मंडुएणं रन्ना एवं वुत्ता समाणा हट्ठा सेलगस्स (रायरिसिस्स) अहापवत्तेहिं ओसहभेसज्जभत्तपाणेहिं तिगिच्छं आउठेति । तए णं तरस सेलगस्स अहापवत्तेहिं ओसहमेसज्जभत्तपाणेहिं से रोगायके उवसंते जाए यावि होत्था हटे (जाव) वलियसरीरे जाए ववगयरोगायंके । तए णं से सेलए तंसि रोयातंकसि उवसंतंसि समाणंसि तंसि विपुलंसि असणंसि ४ मुच्छिए गढिए गिद्धे अज्झोववने ओसन्ने ओसन्नविहारी एवं पासत्थे २ कुसीले २ पमत्ते २ ससत्ते २ उउवद्धपीठफलगसेज्जासंथारए पमत्ते यावि विहरइ नो संचाएइ फासुएसणिज्ज पीढं पञ्चप्पिणित्ता मंडुयं च रायं आपुच्छित्ता वहिया जाव विहरित्तए॥६४॥ तए णं तेसिं पंथगवजाणं पंचण्हं अणगारसयाणं अन्नया कयाइ एगयओ सहियाणं जाव पुन्वरत्तावरत्तकालसमयंसि धम्मजागरियं जागरमाणाणं अयमेयारूवे अज्झ थिए जाव समुप्पजित्था-एवं खलु सेलए रायरिसी चइत्ता र जाव पव्वइए विउले (णं) असणे ४ मुच्छिए ४ नो सचाएइ चइउं जाव विहरित्तए । नो खलु कप्पइ देवाणुप्पिया । समणाणं जाव पमत्ताणं विहरित्तए । तं सेयं खलु देवाणुप्पिया । अम्हं कलं सेलगं रायरिसिं आपुच्छित्ता पाडिहारियं पीढफलगसेज्जासंथार(ग)यं पञ्चप्पिणित्ता सेलगस्स अणगारस्स पंथयं अणगारं वेयावच्चकर ठा(ठ)वेत्ता बहिया अन्भुजएणं जाव विहरित्तए । एवं संपेहेंति २ त्ता कल्लं जेणेव सेल(ए)गरायरिसी० आपुच्छित्ता पाडिहारियं पीढफलग जाव पञ्चप्पिणंति २ ता पंथयं अणगारं वेयावच्चकरं ठावेंति २ त्ता बहिया जाव विहरति॥६५॥ तए णं से पंथए सेलगस्स सेज्जासंथारउच्चारपासवणखेल्लसिंघाणमलाओ ओसहभेसजभत्तपाणएणं अगिलाए विणएणं वेयावडियं करेइ । तए णं से सेलए अन्नया कयाइ कत्तियचाउम्मासियंसि विउलं असणं ४ आहारमाहारिए युवावरण्हकालसमयंसि सुहप्पसुत्ते । तए णं से पंथए कत्तियचाउम्मासियंसि कयकाउस्सग्गे देवसियं पडिकमणं पडिकंते चाउम्मासियं पडिक्कमि(उ)उकामे सेलगं रायरिसिं खामणठ्ठयाए सीसेणं पाएसु संघटेइ । तए णं से सेलए पंथएणं सीसेणं पाएसु संघट्टिए समाणे आसुरुत्ते जाव मिसिमिसेमाणे उठेइ २ त्ता एवं वयासी-से केस णं भो एस अपत्थियपत्थिए जाव वजिए जे णं ममं सुहपसुत्तं पाएसु संघट्टेइ , तए णं से पंथए सेलएणं एवं वुत्ते समाणे भीए तत्थे तसिए करयल जाव कट्ठ एवं वयासीअहं णं भंते ! पंथए कयकाउस्सग्गे देवसियं पडिक्कमणं पडिकंते (चाउम्मासियं