Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1053

सु. १ म०५] सुत्तागमे
१००१ धम्म निसामित्तए । धम्मकहा भाणियव्वा । तए णं से सुए परिव्वायए थावच्चापुत्तस्स अंतिए धम्मं सोचा निसम्म एवं वयासी-इच्छामि णं भंते ! परिव्वायगसहस्सेगं सद्धिं संपरिवुडे देवाणुप्पियाणं अंतिए मुडे भवित्ता पव्वइत्तए। अहासुहं देवाणुप्पिया! जाव उत्तरपुरच्छिमे दिसीभाए ति(ड)दंडयं जाव धाउरत्ताओ य एगते एडेइ २ ता सयमेव सिहं उप्पाडेइ २ त्ता जेणेव थावच्चापुत्ते २ तेणेव उवागच्छइ जाव मुंडे भवित्ता जाव पव्वइए सामाइयमाइयाइं (इकारस अंगाइ) चोदसपुव्वाइं अहिजइ । तए णं थावचापुत्ते सुयस्स अणगार (स्म) सहस्सं सीसत्ताए वियरइ । तए णं थावच्चापुत्ते सोगंधियाओ (नयरीओ) नीलासोयाओ पडिनिक्खमइ २ त्ता बहिया जणवयविहार विहरड । तएणं से थावच्चापुत्ते अणगारसहस्सेणं सद्धिं संपरिवुडे जेणेव पुंडरी(ए)यपव्वए तेणेव उवागच्छइ २ ता पुंडरीयं पव्वयं सणियं २ दुलहइ २ त्ता मेघघगसन्निगासं देवसन्निवायं पुढविसिलापट्टयं जाव पाओवगमगं (कए)णुवण्णे । नए णं से थावच्चापुत्ते वहूणि वासाणि सामण्णपरियागं पाउणित्ता मासियाए संलेहणाए सहि भत्ताइं अणसणाए जाव केवलवरनाणदसणं समुप्पाडेत्ता तओ पच्छा सिद्धे जाव प्पहीणे ॥६२॥ तए णं से सुए अन्नया कयाइ जेणेव सेलगपुरे नगरे जेणेव सुभूमिभागे उजाणे (समोसरणं) तेणेव समोसरिए परिसा निग्गया सेलओ निग्गच्छइ धम्म सोचा जं नवरं देवाणुप्पिया! पंथगपामोक्खाइं पंच मंतिसयाइं आपुच्छामि मंडयं च कुमारं रज्जे ठावेमि तओ पच्छा देवाणुप्पियाणं अन्तिए मुंडे भवित्ता अगाराओ अणगारियं पव्वयामि । अहासुहं । तए णं से सेलए राया सेलगपुरं नगरं अणुप्पविसइ २त्ता जेणेव सए गिहे जेणेव वाहिरिया उवट्ठाणसाला तेणेव उवागच्छइ २ त्ता सीहास(णं)णे सन्निसण्णे। तए णं से सेलए राया पंथ(य)गपामोक्खे पंच मंतिसए सद्दावेइ २त्ता एवं वयासी-एवं खलु देवाणुप्पिया ! मए सुयस्स अंतिए धम्मे निसते से वि य मे धम्मे इच्छिए पडिच्छिए अभिरुइए, अहं णं देवाणुप्पिया! संसारभ(य)उबिग्गे 'जाव पव्वयामि, तुम्भे ण देवाणुप्पिया ! कि करेह कि व(से)वसह किं वा (ते) भे हियइच्छिए सामत्थे ? । तए णं ते पंथगपामोक्खा सेलगं रायं एवं वयासी-जइ णं तुम्भे देवाणुप्पिया! संसार जाव पव्वयह अम्हाणं देवाणुप्पिया! (किमण्णे)को अन्ने आधारे वा आलंबे वा अम्हे वि य णं देवाणुप्पिया! संसारभउव्विग्गा जाव पव्वयामो, जहा णं देवाणुप्पिया! अम्हं बहुसु कजेसु य कारणेसु य जाव तहा णं पव्वइयाण वि समाणाण वहूसु जाव चक्खुभूए । तए णं से सेलगे पंथगपामोक्खे पंच मंतिसए एवं वयासी-जइ णं तुब्भे देवाणुप्पिया! संसार जाव पव्वयह तं गच्छह णं देवाणुप्पिया! सएसु २ कुटुंबेसु जे(४)पुत्ते कुटुंबमज्झे ठावेत्ता