Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1046

९९४
सुत्तागमे
[णायाधम्मकहाओ
भुंजमाणे विहरइ । तेणं कालेणं तेणं समएणं अरहा अरिहनेमी सो चेव वण्णओ दसवणुस्सेहे नीलुप्पलगवलगुलियअयसिकुसुमप्पगासे अट्ठारसहिं समणसाहस्सीहिं चत्तालीमाए अज्जियासाहस्सीहिं सद्धिं संपरिबुडे पुव्वाणुपुट्विं चरमाणे जाव जेणेव बारवई नगरी जेणेव रेवयगपव्वए जेणेव नंदणवणे उजाणे जेणेव सुरप्पियस्स जक्खस्स जक्खाययणे जेणेव असोगवरपायवे तेणेव उवागच्छइ २त्ता अहापडिरूवं उग्गहं ओगिण्हित्ता संजमेणं तवसा अप्पाण भावेमाणे विहरइ। परिसा निग्गया धम्मो कहिओ । तए णं से कण्हे वासुदेवे इमीसे कहाए लढे समाणे कोडंबियपुरिसे सद्दावेइ २ त्ता एवं वयासी-खिप्पामेव भो देवाणुप्पिया ! सभाए सुहम्माए मेघोघरसियं गंभी()रमहुरसई कोमुइयं भेरि तालेह । तए णं ते कोथुवियपुरिसा कण्हेगं वासुढेवेणं एवं वुत्ता समाणाहतुट्ठ जाव मत्थए अंजलिं कट्ट एवं सामी ! तह त्ति जाव पडिसुणेति २ त्ता कण्हस्स वासुदेवस्स अंतियाओ पडिनिक्खमंति २ त्ता जेणेव स(हा)भा सुहम्मा जेणेव कोमुइया मेरी तेणेव उवागच्छंति २ त्ता तं मेघोघरसि(य)यगंभीरमहुरसई कोमुइयं भेरि तालति । तओ निद्धमहुरगंभीरपडिसुएणं पिव सारइएणं वलाहएणं (पिव) अणुरसियं मेरीए । तए णं तीसे कोमुइयाए भे(रिया)रीए तालियाए समाणीए वारवईए नयरीए नवजोयणवित्थिण्णाए दुवालसजोयणायामाए सिंघाडगतियचउक्कचच्चरकदरदरी (य) विवरकुहरगिरिसिहरनगरगोउरपासायदुवारभवणदेउलपडि (सु)स्सुयासयसहस्ससंकुलं (सई) करेमाणे वारव(इं)ईए नय(रं)रीए सभितरवाहिरियं सव्वओ समंता (से)सद्दे विप्पसरित्था । तए णं वारवईए नयरीए नवजोयणवित्थिण्णाए वारसजोयणायामाए समुद्दविजयपामोक्खा दस दसारा जाव कोमुईयाए मेरीए सह सोचा निसम्म हट्टतुट्ठा जाव हाया आविद्धवग्धारियमल्लदामकलावा अहयवत्थचंदणो(कि)क्खिन्नगायसरीरा अप्पेगइया हयगया एवं गयगया रहसीयासंदमाणीगया अप्पेगइया पायविहारचारेणं पुरिस. वरगुरापरिक्खित्ता कण्हस्स वासुदेवस्स अंति(यं)ए पाउभवित्था । तए णं से कण्हे वानुदेवे समुद्दविजयपामोक्खे दस दसारे जाव अंतियं पाउन्भवमाणे (पासइ) पासित्ता हतुट्ठ जाव कोडुवियपुरिसे सहावेइ २ त्ता एवं वयासी-खिप्पामेव भो देवाणुप्पिया । चाउरंगिणिं सेणं सज्जेह विजयं च गंधहत्थिं उवट्ठवेह । तेवि (तहत्ति) तहेव उवट्ठवेंति जाव पजुवासंति ॥६०॥ थावच्चापुत्ते वि निग्गए जहा मेहे तहेव धम्म सोचा निसम्म जेणेव थावच्चा गाहावइणी तेणेव उवागच्छइ २ त्ता पायग्गहणं करेड जहा मेहस्स तहा चेव निवेयणा जाहे नो संचाएइ विसयाणुलोमाहि य विसयपडिकूलाहि य वहहिं आघवणाहि य पन्नवणाहि य सन्नवणाहि य विनवणाहि य