Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1040

९८८
सुत्तागमे
[णायाधरमकहामो
पोक्खरिणीए अदूरसामंते थूगामंडवं आहणह २ त्ता आसियसम्मजिओवलित्तं सुगंध जाव कलियं करेह २ त्ता अ(म्हे)म्हं पडिवालेमाणा २ चिट्ठह जाव चिट्ठति । तएणं इते] सत्यवाहदारगा दोचंपि कोडुवियपुरिसे सदाति २ त्ता एवं वयासी-खिप्पामेव लहुकरणजुत्तजोइयं समखुरवालिहाणं समलिहियतिक्खग्गसिंगएहिं रययामयघंटसुत्तरजुपवरकंचणखचियनत्थपग्गहोवग्गहिएहिं नीलुप्पलकयामेलएहिं पवरगोणजुवाणएहिं नानामणिरयणकंचणघंटियाजालपरिक्खित्तं पवरलक्खगोववेयं जु(त्त)त्तामेव पवहणं उवणेह । ते वि तहेव उवणेति । तए णं ते सत्यवाहदारगा ण्हाया अप्पमहग्घाभरजालंकिय सरीरा पवहणं दुहंति २ त्ता जेणेव देवदत्ताए गणियाए गिहे तेणेव उवागच्छंति २ त्ता पवहणाओ पञ्चोरहति २ ता देवदत्ताए गणियाए गिहं अणुप्पविसंति । तए णं सा देवदत्ता गणिया [ते] सत्यवाहदारए एजमाणे पासइ २ त्ता हतुहा आसणाओ अन्भुढेइ २ त्ता सत्तट्ट पयाई अणुगच्छइ २ ता ते सत्यवाहदारए एवं वयासी-संदिसंतु णं देवाणुप्पिया ! किमिहागमणप्पओयणं । तए णं ते सत्यवाहदारगा देवदत्तं गणियं एवं वयासी-इच्छामो णं देवाणुप्पिए ! तु(म्हे)न्मेहिं साई सुभूमिभागस्स (उन्नागस्स) उजाणसिरिं पञ्चणुव्भवमाणा विहरित्तए । तए णं सा देवदत्ता तेसिं सत्यवाहदारगाणं एयमढे पडिसुणेइ २ त्ता ण्हाया कि ते पवर जाव सिरिसमाणवेसा जेणेव सत्यवाहदारगा तेणेव उवा(समा)गया। तए णं ते सत्यचाहदारगा देवदत्ताए गणियाए सद्धिं जाणं दुरुहंति २ ता चंपाए नयरीए मज्जमज्झेगं जेणेव सुभूमिभागे उजाणे जेणेव नंदापोक्खरिणी तेणेव उवागच्छंति २ ता पदहणाओ पच्चोल्हति २ त्ता नंदापोक्खरिणी ओगाहेति २त्ता जलमजणं करेंति जलकिड करेंति व्हाया देवदत्ताए सद्धिं पञ्चुत्तरंति जेणेव थूणामंडवे तेणेव उवागच्छंति २ त्ता थूणामंडवं अणुप्पविसंति २ त्ता सव्वालंकार(वि)भूसिया आसत्था वीसत्या सुहासणवरगया देवदत्ताए सद्धिं तं विपुलं असणं ४ धूवपुप्फगंधवत्थं आसाएमाणा वि(वी)साएमाणा (परिभाएमाणा) परिभुजेमाणा एवं च णं विहरंति जिसियभुत्तुत्तरागया वि य णं समाणा (आयंता) देवदत्ताए सद्धिं विपुलाई माणुस्सगाई कामभोगाई मुंजमाणा विहरंति ॥५३॥ तए णं ते सत्यवाहदारगा पुव्वावरण्हकालसमयंसि देवदत्ताए गणियाए सद्धिं थूणामंडवाओ पडिनिक्खमंति २ त्ता हत्थसंगेल्लीए सुभूमिभागे बहसु आलिघरएसु य कयलीघरएसु य लयाघरएसु य अच्छणधरएसु य पेच्छगघरएसु य पसाहणघरएसु य मोहणघरएसु य सालघरएसु य जालघरएसु य कुसुमघरएतु य उजाणसिरिं पञ्चणुव्भवमाणा विहरंति ॥ ५४ ॥ तए णं ते सत्यवाहदारया जेणेव से मालुयाकच्छए तेणेव पहारेत्थ गमणाए । तए णं सा व्रणमऊरी ते सत्यवाहदारए