Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1038

सुत्तागमे
[णायाधम्मकहाओ ॥ ४८ ॥ तेणं कालेणं तेणं समएणं धम्मघोसा नाम थेरा भगवंतो जाइसंपन्ना कुलसंपन्ना जाव पुव्वाणुपुचि चरमाणा जाव जेणेव रायगिहे नयरे जेणेव गुणसिलए उजाणे जाव अहापडिरूवं उग्गहं उरिगण्हित्ता संजमेणं तवसा अप्पाणं भावमाणा विहरति । परिसा निग्गया धम्मो कहिओ । तए णं तस्स धण्णस्स सत्यवाहस्स वहुजणस्स अंतिए एयमढे सोचा निसम्म इमेयालवे अज्झथिए जाव समुप्पज्जित्थाएवं खलु थेरा भगवंतो जाइसंपन्ना इहमागया इह-संपत्ता, तं इच्छामि णं थेरे भगवंते वंदामि नमसामि पहाए सुद्धप्पावेसाइं मङ्गलाई वत्थाई पवरपरिहिए पायविहारचारेणं जेणेव गुणसिलए उजाणे जेणेव थेरा भगवंतो तेणेव उवागच्छइ २ त्ता वंदइ नमसइ । तए णं थेरा धण्णस्स विचित्तं धम्ममाइक्खंति । तए णं से घण्णे सत्यवाहे धम्म सोचा एवं वयासी-सहामि णं भंते ! निग्गंथे पावयणे जाव पव्वइए जाव वहणि वासाणि सामण्णपरियागं पाउणित्ता भत्तं पचक्खाइत्ता मासियाए संले. हणाए सर्हि भत्ताइं अणसणाए छेदेइ २ त्ता कालमासे कालं किच्चा सोहम्मे कप्पे देवत्ताए उववन्ने । तत्य णं अत्यंगइयाणं देवागं चत्तारि पलिओवमाइं ठिई प० । तत्थ णं धण्णस्सवि देवस्स चत्तारि पलिओवमाइं ठिई प० 1 से णं धणे देवे ताओ देवलोगाओ आउक्खएणं ठिइक्खएणं भवक्खएणं अणंतरं चयं चइत्ता महाविदेहे वासे सिनिहिइ जाव सव्वदुक्खाणमंतं करेहिइ ॥ ४९ ॥ जहा णं जंबू ! धण्णेणं सत्यवाहेणं नो धम्मोत्ति वा जाव विजयस्स तकरस्स ताओ विपुलाओ असणाओ ४ संविभागे कए नन्नत्य सरीरसारक्खणट्ठाए एवामेव जंवू ! जे णं अम्हें निरगंथे वा २ जाव पव्वइए समाणे ववग्यण्हाण(उम्म)हणपुप्फगंधमन्त्रालंकारविभूसे इमस्स ओरालियसरीरस्स नो वण्णहेउं वा रूवहउँ वा (वल)विसयहेडं वा [तं विपुलं] असणं ४ आहारमाहारेइ नन्नत्य नाणदंसणचरित्ताणं वहण(ह)याए से णं इहलोए चेव वहणं समणाणं (वहणं) समणीणं (वहूर्ण) सावगाण य सावियाण य अचणिज्जे जाव पजुवासणिज्जे भवइ । परलोए वि य णं नो (आगच्छइ) वहणि हत्यच्छेयणाणि य कग्गच्छेयणाणि य नासाछेयणाणि य एवं हिय(योउप्पायणाणि य वसणुप्पा(ड)यणाणि य उलंबणाणि य पाविहिइ अणाईयं च णं अगवदग्गं दीहमद्धं जाव वीईवइस्सइ जहा व से घण्णे सत्यवाहे । एवं खलु जंबू ! समणेणं जाव संपत्तेण दोच्चस्स नायज्जयणस्स अयमढे पन्नत्ते त्तिवेमि ॥ ५० ॥ गाहा-सिवसाहणेमु आहारविरहिओ जन वट्टए देहो। तम्हा घण्णोव्ब विजयं साह तं तेण पोसेना ॥१॥ वीयं अज्झयणं समत्तं ॥
जइ ण भंते ! समणेणं ३ जाव संपत्तेणं दोचस्स अज्झयणस्स नायाधम्मकहाणं