Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1036

९८४
सुत्तागमे [णायाधम्मकहामो डे'तं भोयणपिडगं गिण्हइ २ ता जामेव दिसिं पाउन्भूए तामेव दिसि पडिगए । तए णं तस्स धण्णस्स सत्यवाहस्स तं विपुलं असणं ४ आहारियस्स समाणस्स उच्चारपासवणे णं उव्वाहित्या। तए णं से धणे सत्यवाहे विजयं तकरं एवं वयासी-एहि ताव विजया ! एगंतमवकमामो जेणं अहं उगारपासवणं परिद्ववेमि । तए णं से विजए तकरे धण्णं सत्यवाहं एवं वयासी-तुमं देवाणुप्पिया! विपुलं असणं ४ आहारियस्स अत्थि उच्चारे वा पासवणे वा, ममं णं देवाणुप्पिया ! उमेहि बहहिं कसप्पहारेहि य जाव लयापहारेहि य तण्हाए य छुहाए य परब्भवमाणस्स नत्य केइ उच्चारे वा पासवणे वा, तं छदेणं तुमं देवाणुप्पिया ! एगते अवकामित्ता उच्चारपासवणं परिवेहि । तए णं से धण्णे सत्यवाहे विजएणं तकरेणं एवं वुत्ते समाणे तुसिणीए संचिठ्ठइ । तए णं से धण्णे सत्यवाहे मुहुत्तरस्स बलियतरागं उच्चारपासवणेणं उन्वाहिज्जमाणे विजयं तफरं एवं वयासी-एहि ताव विजया ! जाव अवकमामो । तए णं से विजए धणं सत्थवाहं एवं वयासी-जइ णं तुम देवाणुप्पिया! ता(त)ओ विपुलाओ असणाओ ४ संविभागं करेहि तओ हं तु(मे)भेहिं सद्धिं एगंतं अवकमामि । तए णं से धण्णे सत्यवाहे विजयं एवं वयासी-अहं णं तुभं ताओ विपुलाओ असणाओ ४ संविभागं करिस्सामि । तए णं से विजए धण्णस्स सत्यवाहस्स एयमझु पडिसुणेइ । तए णं से विजए धण्णेणं सद्धिं एगंते अवक्क(मे)मइ उच्चारपासवणं परिहवेइ आयंते चोक्खे परमसुइभूए तमेव ठाणं उवसंकमित्ताणं विहरइ । तए णं सा भद्दा कलं जाव जलंते विपुलं असणं ४ जाव परिवेसेइ । तए णं से धण्णे , सत्थवाहे विजयस्स तकरस्स ताओ विपुलाओ असणाओ ४ संविभागं करेइ । तए णं से धण्णे सत्यवाहे पंथगं दासचेडं विसज्जेइ। तए णं से पंथए भोयणपिडयं गहाय चार(गा)गसालाओ पडिनिक्खमइ २ त्ता रायगिह नयरं मज्झमज्झेणं जेणेव सए गि(गे)हे जेणेव भद्दा (भारिया) सत्यवाही तेणेव उवागच्छइ २त्ता भई सत्थवाहिणि एवं वयासी-एवं खलु देवाणुप्पिए ! धण्णे सत्यवाहे तव पुत्तघायगस्स जाव पञ्चामित्तस्स ताओ विपुलाओ असणाओ ४ संविभागं करेइ ॥ ४७ ॥ तए णं सा भद्दा सत्थवाही पंथगस्स दासचेडगस्स अंतिए एयमढे सोचा आसुरुत्ता रुट्ठा जाव मिसिमिसेमा(णाणी घण्णस्स सत्यवाहस्स पओसमावजइ । तए णं से धण्णे सत्थवाहे अन्नया कयाइं मित्तनाइनियगसयणसंबंधिपरियणेणं सएण य अत्थसारेणं रायकज्जाओ अप्पाणं मोयावेइ २त्ता चारगसालाओ पडिनिक्खमइ २ त्ता जेणेव अलंकारियसभा तेणेव उवागच्छइ २ ता अलंकारियकम्मं क(२)रावेइ २ त्ता जेणेव पुक्खरिणी तेणेव उवागच्छइ २ त्ता