Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1024

९७२
सुत्तागमे
[ णायाधस्मकहाओ
संसारे परित्ती कए माणुस्साउए निबद्धे । तए णं से वणदवे अड्डा जाई राईदियाई तं वर्ण झामेइ २ त्ता निट्टिए उवरए उवसंते विज्झाए यावि होत्या । तए णं ते बहवे सीहा य जाव चिह्नला य तं वणदवं निट्ठियं जाव विज्झायं पाति २ ता अग्गिभयविप्पमुक्का तम्हाए यं छुहाए य परब्भाहया समाणा त ओ) मंडलाओ पडिनिक्खमंत २ त्ता सव्वओ समंता विप्पसरित्या । तए णं ते वहवे हत्थी जाव छुहाए य परब्भाहया समाणा तओ मंडलाओ पडिनिक्खमति २ त्ता दिसोदिसिं विप्पसरित्था । तए णं तुमं मेहा | जुण्णे जराजजरियदेहे सिढिलवलितयापिणिद्धगत्ते दुब्बले किलंते जुंजिए पिवासिए अत्यामे अवले अपरक्कमे अचकमणो वा ठाणुखडे वेगेण विप्पसरिस्सामि त्तिकट्टु पाए पसारेमाणे विज्जुहए विव रययगिरिपभारे धरणितलंसि सव्वगेहि सन्निवंइए । तए ण तव मेहा । सरीरगति वेयणा पाउब्भूया उज्जला जाव दाहवक्कतिए यावि विहरसि । तए णं तुमं मेहा ! तं उज्जलं जाव दुरहियासं तिन्नि राइंदियाई वेयणं वेएमाणे विहरित्ता एवं वासस्यं परमाउं पालइत्ता इहेव जंबुद्दीवे २ भारहे वासे रायगिहे नयरे सेणियस्स रन्नो धारिणीए देवीए कुच्छिसि कुमारत्ताए पच्चायाए ॥ ३३ ॥ तए णं तुमं मेहा ! आ (अ) णुपुव्वेणं गव्भवासाओ निक्खते समाणे उम्मुक्कवालभावे जोव्वणगमणुप्पत्ते मम अंतिए मुंडे भवित्ता अगाराओ अणगारियं पव्वइए। तं जड़ ता ( जा ) व तुमे मेहा | तिरिक्खजोणियभावमुवगएणं अपडिलद्धसम्मत्तरयणलंभेणं से पाए पाणाणुकंपयाए जाव अंतरा चेव संधारिए नो चेव णं निक्खित्ते किमंग पुण तुमं मेहा ! इयाणि विपुल - कुलसमुब्भवेणं निरुवहयसरीर (दंत) पत्तलद्वपंचिदिएणं एव उट्ठाणवलवीरियपुरिस(क्का) गारपरक्कम संजुत्तेण म (म) मं अंतिए मुंडे भवित्ता अगाराओ अणगारियं पव्वइए समाणे समणाणं निग्गंथाणं राओ पुव्वरत्तावरत्तकालसमयंसि वायणाए जाव धम्माणुओगचिंताए य उच्चारस्स वा पासवणस्स वा अइगच्छमाणाण य निग्गच्छमाणाण य हत्थसंघट्टणाणि य पायसंघट्टणाणि य जाव रयरेणुगुंडणाणि य नो सम्मं सहसि खमसि तितिक्खसि -अहियासेसि ?, तए णं तस्स मेहस्स अणगारस्स समणस्स भगवओ महावीरस्सं अंतिए एयमहं सोच्चा निसम्म सुभेहिं परिणामेहिं पसत्येहिं अज्झमाणेहिं लेस्साहिं विलुज्झमाणीहि तयावरणिजाणं कम्माणं खओवस मेणं ईहापोहमग्गणगवेसणं करेमाणस्स सन्निपुव्वे जाईसरणे समुप्पन्ने एयमहं सम्म अभिसमेइ । तए णं से मेहे कुमारे समणेण भगवया महावीरेगं संभारियपुण्वजाईसरणे दुगुणाणीयसंवेगे आगंदर्यं सुपुण्णमुहे हरिसवसेणं धाराहयकयंवर्क पिव समूससियरोमकूवे -समणं भगवं महावीरं वंदड् नमंसइ वं० २त्ता एवं वयासी