Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1015

सुं० १ १०:१]
सुत्तागमे सणाइयरवेणं महया २ रायाभिसेएणं अभिसिंचइ २ त्ता करयल 'जाव कट्ठ एवं वयासी-जय २ नंदा-! जय २ भद्दा! जय-नंदा! भई ते अजियं जि(णे)णाहि जियं पालयाहि जियमज्झे वसाहि अजियं जिणेहि सत्तुपक्खं जियं च पालेहि मित्तपक्खं जाव भरहो, इव मणुयागं रायगिहस्स नगरस्स अन्नसिं च वहूर्ण गामागरनगर जाव सन्निवेसागं आहेवच्चं जाव विहराहि तिकडे जयजयसई पउंति । तए णं से मेहे राया जाए महया जाव विहरइ । तए णं तस्स मेहस्स.रन्नो अम्मापियरो एवं वयासीभण जाया । किं दलयामो कि पयच्छामो कि वा ते हियइच्छिए सामत्थे(मंते) ?, तए णं से मेहे राया अम्मापियरो एवं वयासी-इच्छामि णं अम्मयाओ ! कुत्तियावणाओ रयहरणं पडिग्ग(हगं)हं च (आणियं) उवणेह कासवयं च सद्दा(विडं)वेह । तए णं से सेणिए राया कोडुंबियपुरिसे सद्दावेइ २ त्ता एवं , वयासी-गच्छह णं तुन्भे देवाणुप्पिया। सिरिघराओ तिन्नि सयसहस्साइं गहाय दोहिं सयसहस्सेहिं कुत्तियावणाओ रयहरणं पडिग्गहं च उवणेह सयसहस्सेणं कासवयं सद्दावेह । तए णं ते कोडुवियपुरिसा सेणिएणं रन्ना एवं वुत्ता समाणा हट्टतुट्ठा सिरिघराओ तिन्नि सयसहस्साइं गहाय कुत्तियावगाओ दोहि सयसहस्सेहि रयहरणं पडिग्गहं च उवणेति सयसहस्सेगं कासवयं सहावेंति । तए णं से कासवए तेहिं कोडंबियपुरिसेहि सद्दाविए समाणे हद्वतु जाव (हय)हियए हाए सुद्धप्पावेसाई (मंगलाई)वत्थाई पवरपरिहिए अप्पमहग्याभरणालंकियसरीरे जेणेव सेणिए राया तेणेव उवागच्छइ २ त्ता सेणियं रायं करयलमजलि कटु एवं वयासी-संदिसह णं देवाणुप्पिया ! जं मए करणिज्ज । तए णं से सेणिए राया कासवयं एवं वयासी-गच्छाहि णं तुमं देवाणुप्पिया ! सुरभिणा गंधोदएणं निके हत्थपाए पक्खालेहि सेयाए चउप्फालाए पोत्तीए मुहं वधित्ता मेहस्स कुमारस्स चउरंगुलवजे निक्खमणपाउग्गे अग्गकेसे कप्पेहि । तए णं से कासवए सेणिएणं रन्ना एवं वुत्ते समाणे हद्वतु जाव हियए जाव पडिसुणेइ २ त्ता सुरभिणा गंधोदएणं हत्यपाए पक्खालेइ २ त्ता सुद्धवत्थेणं मुह वंवइ २ त्ता परेण जत्तण मेहस्स कुमारस्स चउरंगुलवजे निक्खमणपाउग्गे अग्गकेसे कप्पइ । तए णं तस्स मेहस्स कुमारस्स माया महरिहेणं हंसलक्खणेणं पडसाडएणं अग्गकेसे पडिच्छइ २ त्ता सुरभिणा गंधोदएणं पक्खालेइ २ त्ता सरसेणं गोसीसचंदणेणं चच्चाओ दलयइ २ त्ता सेयाए पोत्तीए वंधइ २ ता रयणसमुग्गयंसि पक्खिवइ २त्ता मंजूमाए पक्खिवइ २ त्ता हारवारिधारसिंदुवारछिन्नमुत्तावलिप्पगासाई अंसूइ विणिम्मुयमाणी २ रोयमाणी २ कदमाणी २ विलवमाणी २ एवं वयासी-एस णं अम्हं मेहस्स कुमारस्स अब्भुदएसु य उस्सवेसु य पसवेसु य तिहीसु य छणेसु य जन्नेसु य पव्वणीसु य अपच्छिमे