________________
पंचमो उद्देसो
८६. से गिहेसु वा गिहतरेसु वा, गामेसु वा गामंतरेसु वा, नगरेसु वा नगरंतरेतु
वा, जणवएसु वा जणवयंतरेसु वा, गामनयरंतरे वा गामजणवयंतरे वा, नगरजणक्यंतरे वा, संतेगइया जणा लूसगा भवंति, अदुवा फासा फुसंति ।
८७. ते फासे, पुट्ठो वीरोहियासए ।
८८. पोए समियदसणे।
८६. दयं लोगस्स जाणित्ता पाईणं पडीणं दाहिणं उदीणं, प्राइखे विभए किट्टे
वेयवी।
९०. से उढिएसु वा अणुष्टिएसु वा सुस्सूसमाणेसु पवेयए-संति, विरई उवसमं,
णिन्वाणं, सोवियं, अज्जवियं, महवियं, लाघवियं, अणइवत्तियं ।
६१. सव्वेसि पाणाणं सवेसि भूयाणं सन्वेसि जीवाणं सवेसि सत्ताणं अणुबोइ
भिक्खू धम्ममाइक्खेज्जा।
६२. अणुवीइ भिक्खू धम्ममाइक्खमाणे-णो अत्ताणं आसाएज्जा, णो परं
श्रासाएज्जा, णो अण्णाई पाणाई भूयाई जीवाई सत्ताई प्रासाएज्जा।
६३. से अणासायए प्रणासायमाणे वज्झमाणाणं पाणाणं भूयाणं जीवाणं सत्ताणं,
जहा से दीवे असंदोणे, एवं से भवइ सरणं महामुणी ।
६४. एवं से उढिए ठियप्पा, अणिहे अचले चले, अवहिल्लेसे परिम्बए ।
१७०
आयार-सुत्तं
