________________
TESCO
वीयरागो देववुद्धीए गहियबो, साहुणो य गुरुबुद्धीए परिभावियवा, तत्तत्थसहहणं कायचं, सबपाणीग पीडा परि बज्जियवा, पुवदुचरियाई भुजो भुजो गरहणिजाई, जओ एक्कसि कयापि तिवपओसेण पावाणं कोडाकोडाइयो । दुहविवागो हवइत्ति, सूलपाणीवि एवमायन्निऊण अणेगलोगक्खयसुमरणउप्पन्नातुच्छपच्छायावो जायसंमत्तो अचंतभवविरत्तचित्तो असेसदोसपसमणट्ठा तिहुयणपहुणो पुरओ गीयनद्वमहिमं काउं पयत्तो, गामवासिलोगोऽवि गीयाइसई सोचा चिंतेइ-अहो तं देवजयं जक्खो मारित्ता इयाणि परितुद्वो सच्छंदमेवं कीलइत्ति, भयवपि चत्तारि रयणिजामे देसूणे परिताविओ समाणो पभायकाले मुहुत्तमत्तं निदापमायमुवगओ संतो इमाई दस महासुमिणाई पस्सह, कह?, जहा किर मए तालपिसाओ उड्डे वड्डमाणो निहओ १ पंडुरो(सउणो)चित्तकोइलगो य दुवे पज्जुवासमाणा दिट्ठा २-३ सुरहिकुसुमगंधुडुरं दामदुगं ४ गोवग्गो य पजुवासणापरो ५ पउमसरो विबुद्धपंकओ अवलोइओ ६ का कल्लोलमालाउलो सायरो समुत्तिण्णो भुयाहिं ७ पइण्णरस्सिमंडलं चक्खुगोयरसुवगयं दिणयरविवं नियंतेहिं 8
माणुसुत्तरगिरी परिवेढिओ ९ मंदरसिहरं चारूढोत्ति १०, एवं एए दस सुमिणे पासित्ता पडिबुद्धो सामी । एत्यंतरे । समुग्गओ सूरो, समागओ धूवकुसुमक्खयहत्यो सयलगामजणो उप्पलनेमित्तिगो य, ते य दिवगंधचुण्णपुष्फवासेहि। समचियं अक्खयसरीरं सामि पेच्छिऊण उक्कटिसीहनायं करेमाणा चरणेस पडिया. परोप्परं भणिउमेवं प्रवत्ता य-अहो देवजगेणं जक्खो उवसामिओ, तेणेसा पूया कयत्ति, उप्पलोवि परियाणिऊण भयवंतं पहिहो, बंदिऊण
eos
