________________
तृतीयभाग। नायकके जीतें, जै है भाजि सहज सब लसकरि॥ सुनि० ॥ २ ॥ इंद्रियलीन जनम सब खोयो, चाकी चल्यो जात है स्वस करि । भूधर सीख मान सतगुरुकी, इनसों प्रीति तोरि अब वश करि ।। सुनि० ॥ ३॥ .. .
५३. राग गौरी। देखो भाई ! आतमदेव विराजै ॥ टेक ॥ इसही हूँठ हाथ देवलमें, केवलरूपी राजै॥देखो० ॥१॥ अमल उदास जोतिमय जाकी, मुद्रा मंजुल छाजै । मुनिजनपूज अचल अविनाशी, गुण वरनत बुधि लाजै॥ देखो०॥२॥ परसंजोग समल प्रतिभासत, निज गुण मूल न त्याजै । जैसे फटिक पखानं हेतसों, श्याम अरुन दुति साजै ॥ देखो० ॥ ३॥ 'सोऽहं पद. समतासों ध्यावत, घटहीमें प्रभु पाजे । भूधर निकट निवास जासुको, गुरु विन भरम न भाजै ॥ देखो० ॥४॥ १ लश्कर-सैना. २ साढ़ेतीन हाथके शरीररूपी मंदिरमें.
.
