________________
उत्तरज्झयणं
(१) दिगिछापरीसहे दिगिछापरिगए देहे तवस्सी भिक्खु थामवं । न छिन्दे न छिन्दावए न पए न पयावए ॥ २ ॥ कालीपव्वंगसंकासे किसे धमणिसंतए। मायन्ने असणपाणस्स अदीणमणसो चरे ॥ ३ ॥
(२) पिवासापरीसहे तओ पुट्ठो पिवासाए दोगुछी लज्जसंजए। सीओदगं न सेविज्जा वियडस्सेसणं चरे ॥ ४ ॥ छिन्नावाएसु पन्थेसु आउरे सुपिवासिए। परिसुक्क मुहेऽदीणे तं तितिक्खे परीसह ॥ ५ ॥
(३) सीयपरीसहे
चरन्तं विरयं लूहं सीयं फुसइ एगया। नाइवेलं मुणी गच्छे सोच्चाणं जिणसासणं ॥ ६ ॥ न मे निवारणं अत्थि छवित्ताणं न विज्जई। . अहं तु अग्गि सेवामि इइ भिक्खू न चिन्तए ।। ७ ।।
(४) उसिणपरीसहे
उसिणपरियावेणं परिदाहेण तज्जिए।। घिसु वा परियावेणं सायं नो परिदेवए ॥ ८ ॥ उहाहितत्ते मेहावी सिणाणं नो वि पत्थए। गायं नो परिसिंचज्जा न वीएज्जा य अप्पयं ॥ ६ ॥
