________________
बत्तीसइमं अज्झयणं
वत्तीसइगं अज्झयणं
पमायठ्ठाणं
अच्चन्तकालस्स समूलगस्स, सव्वस्स दुक्खस्स उ जो पमोक्खो ।. . तं भासओ मे पडिपुण्ण चित्ता, सुणेह एगग्गाहियं हियत्थं ॥ १ ॥
नाणस्स सव्वस्स पगासणाए, अन्नाणमोहस्स विवज्जणाए । रागस्स दोसस्स य संखएणं, एगन्तसोवख समुवेइ मोवख ।। २ ।। तस्सेस मग्गो गुरुविद्धसेवा, विवज्जणा वालजणस्स दूरा | सज्झायंएगन्तनिसेवणा य, सुत्तत्थसंचिन्तणया धिई य || ३ || आहारमिच्छे मियमेस णिज्जं सहायमिच्छे निउणत्थबुद्धि । निकेयमिच्छेज्ज विवेगजोग्गं समाहिकामे समणे तवस्सी ॥ ४ ॥
,
२२७
,
न वा लभेज्जा निउणं सहाय, गुणाहियं वा गुणओ समं वा । एक्को वि पावाइ विवज्जयन्तो विज्ज कामेसु असज्ज माणो ॥ ५ ॥
3
जहा य अण्डप्पभवा वलागा, अण्डं वलागप्पभवं जहा य । एमेव मोहाययणं खु तण्हं, मोह च तण्हाययणं वयन्ति ॥ ६ ॥
रागो य दोसो वि य कम्मवीयं कम्मं च मोहप्पभदं वयन्ति । कम्मं च जाईमरणस्स मूलं दुवख च जाईमरणं वयन्ति ॥ ७ ॥
दुवख ं हयं जस्स न होइ मोहो, मोहो हओ जस्स न होइ तरहा । तण्हा या जस्स न होइ लोहो, लोहो हओ जस्स न किंचणाई || ८ ||
रागं च दोसं च तहेव मोहं उद्धत्तुकामेण समूलजालं । जे जे उवाया पडिवज्जियव्वा, ते कित्तइस्सामि अहाणुपुवि ॥ ई ॥
