________________
चविसइमं अज्झयणं
१६१ संरम्भसमारम्भे आरम्भे य तहेव य । मणं पवत्तमाणं तु नियत्तेज्ज जयं जई ॥ २१ ॥ सच्चा तहेव मोसा य सच्चामोसा तहेव य । चउत्थी असच्चमोसा वइगुत्ती चउविवहा ॥ २२ ॥ संरम्भसमारम्भे आरम्भे य तहेव य । पयं पवत्तमाणं तु नियत्तेज्ज जयं जई ॥२३ ।। ठाणे निसीयणे चेव तहेव य तुयट्टणे । उल्लंघणपल्लंघणे इन्दियाण य जुजणे ॥ २४ ।। संरम्भसमारम्भे आरम्भम्मि . तहेव य । . .. कायं पवत्तमाणं तु नियत्तेज्ज जयं जई ।। २५ ॥ एयाओ पंच समिईओ चरणस्स य पवत्तणे । गुत्ती नियत्तणे वुत्ता असुभत्थेसु सव्वसो ॥ २६ ॥ एया पवयणमाया जे सम्म आयरे मुणी। से खिप्पं सव्वसंसारा विप्पमुच्चइ पण्डिए ॥ २७ ॥
--त्ति बेमि।
