________________
१८०
उत्तरज्मयणं
तेविसइमं अज्झयणं के सिगोयमिज्ज
जिणे पासे त्ति नामेण अरहा लोगपूइओ। संबुद्धप्पा य सव्वन्नू धम्मतित्थयरे जिणे ॥ १ ॥ . तस्स लोगपईवस्स आसि सीसे महायसे । केसीकुमारसमणे विज्जाचरणपारगे ॥ २ ॥ ओहिनाणसुए वुद्धे सीससंघसमाउले । गामाणुगामं रीयन्ते सावत्थि नगरिमागए ।। ३ ॥ तिन्दुयं नाम उज्जाणं तम्मी नगरमण्डले । फासुए सिज्जसंथारे तत्थ वासमुवागए ॥ ४ ॥ अह तेणेव कालेणं धम्मतित्थयरे जिणे । भगवं वद्धमाणो ति सव्वलोग म्मि विस्सुए ॥ ५ ॥ तस्स लोगपईवस्स आसि सीसे महायसे । भगवं गोयमे नामं विज्जाचरणपारगे ॥ ६ ॥ वारसंगविऊ बुद्धे सीससंघसमाउले ।। गामाणुगामं रीयन्ते से वि सावत्थिमागए ।। ७ ।। कोडगं नाम उज्जाणं तम्मी नयरमण्डले । फासुए सिज्जसंथारे तत्थ वासमुवागए ॥८॥ केसीकुमारसमणे गोयमे य महायसे । उभओ वि तत्थ विहरिसु, अल्लीणा सुसमाहिया ॥६॥
