________________
नवमं अज्झयणं
१०५
जे केइ पत्थिवा तुब्भं ना नमन्ति नराहिवा ! | वंसे ते ठावइत्ताणं तओ गच्छसि खत्तिया ! ॥ ३२ ॥
*
एयमट्ठ निसामित्ता हेऊकारण - चोइओ । तओ नमी रायरिसी देविन्दं इणमब्ववी - ।। ३३ ।।
जो सहस्सं सहस्साणं संगामे दुज्जए जिणे । एवं जिणेज्ज अप्पाणं एस से परमो जओ ।। ३४ ।।
अप्पाणमेव जुज्झाहि किं ते जुज्झेण वज्झओ ? अप्पाणमेव अप्पाणं जइत्ता सुहमेहए ।। ३५ ।।
"
पंचिन्दियाणि कोहं माणं मायं तहेव लोहं च । दुज्जयं चेव अप्पाणं सव्वं अप्पे जिए जियं । ३६ ।।
एयमट्ठ निसामित्ता हेऊकारण - चोइओ । तओ नमि रायरिसि देविन्दो इणमव्ववी - ।। ३७ ।।
जइत्ता विउले जन्ने भोइत्ता समणमाहणे । दच्चा भोच्चा य जट्ठा य तओ गच्छसि खत्तिया ! ॥ ३८ ॥ एयम - । तओ नमी रायरिसी देविन्दं इणमव्ववी - ॥ ३८ ॥
निसामित्ता हेऊकारण चोइयो ।
जो सहस्सं सहस्साणं मासे मासे गवं दए । तस्सावि संजमो सेओ अदिन्तस्स वि किंचन ।। ४० ।।
एयमट्ठ निसामित्ता हेऊकारण- चोइओ । तओ नाम रायरिसि देविन्दो इणमव्ववी - ॥ ४१ ॥
घोरासमं चइत्ताणं अन्नं पत्थेसि आसमं । इहेव पोसहरओ भवाहि मणुयाहिवा ! ॥ ४२ ॥
