________________
जैन स्वाध्यायमाला
२११
पारेवयगीवनिभा, काऊलेसा उ वण्णपो।। हिंगुलयधाउसंकासा, तरुणाइच्चसन्निभा। सुयतुडपईवनिभा, तेऊलेसा उ वण्णो ।७। हरियालभेयसकासा, हलिहाभेयसमप्पभा। सणासणकुसुमनिभा, पम्हलेसा उ वण्णमो।। सखककुंदसंकासा, खीरपूरसमप्पभा । रययहारसकासा, सुक्कलेसा उ वण्णो ।। जह कडुयतुम्बगरसो, निम्बरसो कडुयरोहिणिरसो वा। एत्तोवि अणतगुणो, रसो य किण्हाए नायव्वो ।१०। जह तिगडुयस्स य रसो,तिक्खो जह हत्थिपिप्पलीए वा। एत्तोवि अणतगुणो, रसो उ नीलाए नायव्वो ।११॥ जह तरुणअम्बगरसो, तुवरकविट्ठस्स वावि जारिसओ। एत्तोवि अणतगुणो, रसो उ काऊए नायब्वो।१२। जह परिणयम्बगरसो, पक्ककविट्ठस्स वावि जारिसो। एत्तोवि अणतगुणो, रसो उ तेऊए नायब्वो।१३। वरवारुणीए व रसो, विविहाण व पासवाण जारिसओ। महुमेरगस्स व रसो, एत्तो पम्हाए परएण ।१४। खज्जरमुद्दियरसो, खीररसो खंडसक्कररसो वा। एत्तोवि अणतगुणो, रसो उ सुक्काए नायव्वो ॥१५॥ जह गोमडस्स गधो, सुणगमडस्स व जहा अहिमडस्स । एत्तोवि अणतगुणो, लेसाणं अप्पसत्थाण ।१६। जह सुरहिकुसुमगधो, गंधवासाण पिस्समाणाणं 1 एत्तोवि अणंतगुणो, पसत्यलेसाण तिण्ह-पि ॥१७॥
