________________
२१०
उत्तराध्ययन सूत्र अ. ३४
मोहणिज्जस्स उक्कोसा, अंतोमुहुत्तं जहनिया ॥२१॥ तेत्तीससागरोवमा, उक्कोसेण वियाहिया। ठिई उ पाउकम्मस्स, अतोमुहुत्त जहनिया ।२२। उदहीसरिस-नामाण, वीसई कोडिकोडीयो। नामगोत्ताण उक्कोसा, अट्ठ मुहुत्त जहनिया ॥२३॥ सिद्धाणणंतभागो य, अणुभागा हवंति उ। सव्वेसु वि पएसग्गं, सव्वजीवे अइच्छियं ।२४। तम्हा एएसि कम्माण, अणुभागा वियाणिया । एएसि संवरे चेव, खवणे य जए बुहो ।२५।
॥ कम्मप्पयडी णाम अज्झयण सम्मत्त ॥३३॥
॥ चोत्तीसइमं लेसज्झयणं ॥३४॥ लेसज्झयण पवक्खामि, आणुवि जहक्कम । छण्हं पि कम्मलेसाण, अणुभावे सुणेह मे ।। नामाइ वण्ण-रस-गंध-फास-परिणाम-लक्खण । ठाण ठिइ गई चाउ, लेसाण तु सुणेह मे ॥२॥ किण्हा नीला य काऊ य, तेऊ पम्हा तहेव य । सुक्कलेस्सा य छट्ठा य, नामाइ तु जहक्कम ।३। जीमयनिद्धसंकासा, गवलग्गिसन्निभा। खंजजणनयणनिभा, किण्हलेसा उ वण्णयो।४। नीलांसोगसकासा, चासपिच्छसमप्पभा। वेरुलियनिद्धसकासा, नीललेसा उ वण्णो ।५। अयसीपुप्फसकासा, कोइलच्छदसन्निभा ।
