________________
१३०
उत्तराध्ययन सूत्र अ. १८
।। संजइज्ज अट्ठारहमं अज्झयणं ॥१८॥
कम्पिल्ले नयरे राया, उदिण्ण-बलवाहणे । नामेणं संजए नाम, मिगव्वं उवणिग्गए ।११ हयाणीए गयाणीए, रहाणीए तहेव य । पायताणीए महया, सव्वरो परिवारिए ।२। मिए छुहित्ता हयगो, कम्पिल्लज्जाण केसरे,। भीए संते मिए तत्य, वहेइ रसमुच्छिए ।३। अह केसरम्मि उज्जाणे, अणगारे तवोधणे । सज्झायज्झाण-सजुत्ते, धम्मज्झाणं झियायइ ।४। अप्फोव-मण्डवम्मि, झायइ खवियासवे। तस्सागए मिगे पासं, वहेइ से नराहिवे ।। अह आसगो राया, खिप्पमागम्म सो तहिं । हए मिए उ पासित्ता, अणगार तत्थ पासई ।६। अह राया तत्थ संभंतो, अणगारो मणाहो। मए उ मंद-पुण्णेणं, रस-गिद्धेण चित्तुणा ।७।
आसं विसज्जइत्ताणं, अणगारस्स सो निवो। विणएण वदए पाए, भगव एत्थ मे खमे ।। अह मोणेण सो भगवं. अणगारे झाणमस्सिए । रायाणं न पडिमतेइ, तो राया भयदुयो ।। सजनो अहमम्मीति, भगवं वाहराहि मे। कुद्धे तेएण अणगारे, डहेज्ज नरकोडियो ।१०। अभयो पत्थिवा ! तुभं, अभयदाया भवाहि य ।
