________________
जैन स्वाध्यायमाला
११६
पंखाविहूणो व्व जहेह पक्खी, भिच्चविहूणो व्व रणे नरिंदो। विवन्नसारो वणिो व्व पोए, पहीणपुत्तोमि तहा अहंपि ।३०। सुसंभिया कामगुणा इमे ते, सपिण्डिया अग्गरसप्पभूया। भुजामु ता कामगुणे पगाम, पच्छा गमिस्सामु पहाणमगं ।३१। भुत्ता रसा भोइ ! जहाइ णे वओ, न जीवियट्टा पजहामि भोए। लाभं अलाभं च सुहं च दुक्ख, सचिक्खमाणो चरिस्सामि मोणं,।। मा हु तुम सोयरियाण संभरे, जुण्णो व हंसो पडिसोत्तगामी । भुजाही भोगाई मए समाण, दुक्ख खु भिक्खायरिया विहारो।३३। जहा य भोई तणुवं भुयगो, निम्मोयणि हिच्च पलेइ मत्तो। एमए जाया पयहंति भोए, ते हं कहं नाणगमिस्समेक्को ।३४। छिदित्तु जालं अबलं व रोहिया, मच्छा जहा कामगुणे पहाय । धोरेयसीला तवसा उदारा, धीरा हु भिक्खायरियं चरंति ।३५॥ नहेव कुंचा समइक्कमता, तयाणि जालाणि दलित्तु हसा । पलेति पुत्ता य पई य मज्झ, ते हं कहं नाणुगमिस्समेक्का ।३६। पुरोहिय त ससुयं सदार, सोच्चाऽभिनिक्खम्म पहाय भोए । कुडुम्बसारं विउलुत्तमं च, रायं अभिक्ख समुवाय देवी ।३७। वंतासी पुरिसो रायं, न सो होइ पससिप्रो। माहणेण परिच्चत्त, धणं आदाउमिच्छसि ।३८। सव्व जगं जइ तुहं, सव्व वावि धणं भवे । सवऽपि ते अपज्जत्तं, नेव ताणाय त तव ।३६। मरिहिसि रायं जया तया वा, मणोरमे कामगुणे पहाय । एक्को हु धम्मो नरदेव ताणं, न विज्जई अन्नमिहेह किंचि ॥४०॥ नाहं रमे पक्खिणि पजरे वा, सताणछिन्ना चरिस्सामि मोणं ।
