________________
१०
हिताय सर्वलोकानामित्यादिष्टः पिनाकिना । विश्वकर्मा महातेजा दिव्यां शक्तिमुपेयिवान् ॥ २२ ॥
आनन्दानुपरीताङ्गः प्रणम्य मुहुरादरात् । त्र्यक्षं पिनाकिनं चन्द्रशेखरं लोकनायकम् ॥ २३ ॥
भक्त्या प्रदक्षिणीकृत्य बद्धाञ्जलिपुटस्तदा । वासवं समुपेत्यारादी शानुग्रहमुक्तवान् ॥ २४॥ विश्वकर्मोवाच -
अहो भाग्यमहो भाग्यं मम देवेश वासव । प्रसीदन्परमां शक्तिमदान्मे वृषभध्वजः ।। २५ ॥ शक्त्यानया सुरास्सर्वे किन्नरा मानुषा अपि । भजेयुः परमानन्दं प्रासादादिषु सत्सुखम् ।। २६ ।।
लोकास्समस्तास्सुखिनो भवेयुश्शुभसेविनः । वीतरागभयक्रोधाश्शिवभक्तिपरायणाः ।। २७ ॥
सर्वपापविनिर्मुक्ता भूयासुरसच्च भासुराः ।
॥ विश्वकर्मकृतशिल्पशाखप्रशंसा ॥
सा परा शक्तिरेवैषा शूलिनः केन वर्ण्यते ॥ २८ ॥ या तता त्रिषु लोकेषु तैलबिन्दुरिवाम्भसि । यत्प्रसादान्मया ज्ञातं वास्तुशास्त्रमिदं ततम् ॥ २९ ॥
