________________
(१०.३३३-३३३)
अट्ठकवण्णना
२३३
"चतूहि समथेहि सम्मती"ति इदं सब्बसङ्गाहिकवसेन वुत्तं । तत्थ पन द्वीहि द्वीहि एव वूपसमनं दट्टब्बं । एवं विनिच्छितन्ति सचे आपत्ति नत्थि, उभो खमापेत्वा, अथ अत्थि, आपत्तिं दस्सेत्वा रोपनवसेन विनिच्छितं । पटिकम्मं पन आपत्ताधिकरणसमथे परतो आगमिस्सति ।
न समणसारुप्पं अस्सामणकं, समणेहि अकत्तब्बं, तस्मिं । अज्झाचारे वीतिक्कमे
सति ।
पटिचरतोति पटिच्छादेन्तस्स । पापुस्सन्नताय पापियो, पुग्गलो, तस्स कत्तब्बकम्मं तस्स पापियसिकं। सम्मुखाविनयेनेव वूपसमो नत्थि पटिञाय तथारूपाय, खन्तिया वा विना अवूपसमनतो।
एत्थाति आपत्तिदेसनाय । पटिञाते आपन्नभावादिके करणं किरिया “आयतिं संवरेय्यासी''ति, परिवासदानादिवसेन च पवत्तं वचीकम्मं पटिञातकरणं।
यथानुरूपन्ति "द्वीहि समथेहि चतूहि तीहि एकेना"ति एवं वुत्तनयेन यथानुरूपं । एत्थाति इमस्मिं सुत्ते, इमस्मिं वा समथविचारे । विनिच्छयनयोति विनिच्छये नयमत्तं । तेनाह "वित्थारो पना"तिआदि । समन्तपासादिकायं विनयट्ठकथाय (चूळव० अट्ठ० १८४-१८७) वुत्तो, तस्मा वुत्तनयेनेव वेदितब्बोति अधिप्पायो ।
सत्तकवण्णना निहिता।
निट्ठिता च दुतियभाणवारवण्णना |
अट्ठकवण्णना
३३३. अयाथावाति न याथावा । अनिय्यानिकताय मिच्छासभावा। विपरीतवुत्तिकताय याथावा। निय्यानिकताय सम्मासभावा अविपरीतवुत्तिका ।
233
Jain Education International
For Private & Personal Use Only
www.jainelibrary.org
