________________
(१०.३०९-३०९)
अरियवंसचतुक्कवण्णना
२०१
उप्पन्नपीतिसोमनस्सवेगस्स बलवभावेन किलेसानं विक्खम्भितत्ता तस्मिंयेव...पे०... तीणि फलानि पत्तो।
"कत्थ लभिस्सामी"ति चिन्तनापि लाभासापुब्बिकाति तथा “अचिन्तेत्वा"ति वुत्तं, "सुन्दरं लभिस्सामि, मनापं लभिस्सामी''ति एवमादिचिन्तनाय का नाम कथा । कथं पन वत्तब्बन्ति आह "कम्मट्ठानसीसेनेव गमन"न्ति, तेन चीवरं पटिच्च किञ्चिपि न चिन्तेतब्बं एवाति दस्सेति ।
अपेसलो अप्पतिरूपायपि परियेसनाय पच्चयो भवेय्याति “पेसलं भिक्खुं गहेत्वा"ति
वुत्तं।
आहरियमानन्ति सुसानादीसु पतितकं वत्थं "इमे भिक्खू पंसुकूलपरियेसनं चरन्तीति जत्वा केनचि पुरिसेन ततो आनीयमानं ।
एवं लद्धं गण्हन्तस्सापीति एवं पटिलाभसन्तोसं अकोपेत्वाव लद्धं गण्हन्तस्सापि । अत्तनो पहोनकमत्तेनेवाति यथालद्धानं पंसुकूलवत्थानं एकपट्टदुपट्टानं अत्थाय अत्तनो पहोनकपमाणेनेव, अवधारणेन उपरिपच्चासं निवत्तेति ।
___ गामे भिक्खाय आहिण्डन्तेन सपदानचारिना विय द्वारपटिपाटिया चरणं लोलुप्पविवज्जनं नाम चीवरलोलुप्पस्स दूरसमुस्सारितत्ता ।
यापेतुन्ति अत्तभावं पवत्तेतुं ।
धोवनुपगेनाति धोवनयोग्गेन ।
पण्णानीति अम्बजम्बादिपण्णानि ।
अकोपेत्वाति सन्तोसं अकोपेत्वा। पहोनकनीहारेनेवाति अन्तरवासकादीसु यं कातुकामो, तस्स पहोनकनियामेनेव यथालद्धं थूलसुखुमादिं गहेत्वा करणं।
201
Jain Education International
For Private & Personal Use Only
www.jainelibrary.org
